इलामः खेलकुद क्षेत्रमा बेग्लै पहिचान बोकेको इलामले थुप्रै खेल्लाडी जन्माएको छ । राष्ट्रिय तथा अन्तराष्ट्रिय खेल जगतमा नेपालको शिर उच्च राख्ने काम खेल्लाडीले गरेका छन् । तिनै खेल्लाडीको भिडमा एन्जिला तुम्बापो सुब्बा पनि एक हुन् । इलामको सूर्योदय नगरपालिका–११ घर भएकी एन्जिलाले यतिबेला महिला साफ च्याम्पियन लिग नेपाली राष्ट्रिय टिमको कप्तानीको जिम्मेवारी पाएकी छन् ।
अखिल नेपाल फुटबल संघ ९एन्फा० ले सोमबार प्रि–म्याच कन्फरेन्समा एन्जिलालाई कप्तानीको जिम्मेवारी दिएको जनाएको छ । नियमित कप्तान रेनुका नगरकोटी प्रतियोगिता तयारीको क्रममा घाइते भएपछि कुमार थापाले एन्जिलालाई कप्तानीको जिम्मेवारी दिएका हुन् ।रेनुकाले घरेलु मैदानको साफ गुमाउने छिन् । ’मलाई कप्तान बनाउनु भएकोमा धन्यवाद। त्यो विश्वासलाई गुम्न दिने छैन,’ प्रि–म्याच कन्फरेन्समा एन्जिलाले भनिन् । सन २०१४ मा श्रीलंकामा सम्पन्न भएको एएफसी यु–१४ गल्स रिजनल ट्रफी जित्दा नेपाली गोलपोष्ट एन्जिलाले सम्हालेकी थिइन् । सन २०१४ बाटै राष्ट्रिय टिममा परेकी उनी २ वर्ष बेञ्चमा नै सिमित भइन ।
