नयाँबजार: तेस्रो संस्करणको माइजोगमाई गाउँपालिका अध्यक्ष कप आमन्त्रित अन्तरपालिका पुरुष फुटबल प्रतियोगिता शुरु भएको छ । तेस्रो संस्करणका खेल बिहिबारबाट शुरु भएका हुन ।माइजोगमाई गाउँपालिका खेलकुद विकास परिषद अध्यक्ष देवेन्द्र पौडेलको अध्यक्षता तथा सूर्योदय नगरपालिकाका नगर प्रमुख रण बहादुर राईको प्रमुख आतिथ्यतामा उद्घाटन खेल सम्पन्न भयो । कार्यक्रम उद्घाटनको अवसरमा प्रमुख अथिति राईले खेल खेत्रको माध्यमबाट अन्तरपालिका पर्यटन बिकास गर्न सकिने बताउनु भयो । उक्त अवसरमा उहाले माईजोगमाईका पर्यटकीय स्थलको बिकास र प्रवर्धनमा आफुले समेत पहल गर्ने बताउनु भयो ।
कार्यक्रममा माईजोगमाई गाउँपालिका अध्यक्ष कुश बहादुर थेवेले पालिका स्तरमा संचालन भएको प्रतियोगितामा सहभागी खेलाडीको ५ लाखको जिवन बिमा गरीएको जानकारी दिनु भयो । उक्त कार्यक्रममा गाउँपालिका उपाध्यक्ष प्रविना राईले खेलाडीलाई स्थानीय स्तरमैै ब्यवसायिक बनाउनका लागि गाउँपालिकाले खेल क्षेत्रका बिभिन्न प्रतियोगिता आयोजना गर्दै आएको जानकारी दिनु भयो । उहाले खेलाडीको शुरक्षा र स्वास्थ्यमा गाउँपालिका लागि परेको बताउनु भयो ।
कार्यक्रममा सन्दकपुर गाउँपालिका उपाध्यक्ष हरी लुंगेली , जिल्ला खेलकुद बिकास समिति इलामका अध्यक्ष खगेन्द्र बास्तोलाले माईजोगमाईले खेलकुद क्षेत्रमा गर्दै आएका कामको प्रशंसा गर्नु भएको थियो । उक्त अवसरमा १५ औं जिल्ला स्तरीय राष्ट्रपति रनिङ शिल्ड प्रतियोगितामा पदक बिजेता खेलाडस् तथा ब्यवस्थापकलाई नगर र प्रमाणपत्रले सम्मान गरीएको थियो ।
उद्घाटन खेल सूर्योदय नगरपालिका र चुलाचुली गाउँपालिका बिच थियो । उद्घाटन खेलमा सूर्योदय नगरपालिका तेस्रो माइजोगमाई अध्यक्ष कप आमन्त्रित अन्तरपालिका फुटबलको क्वार्टर फाइनल प्रवेश गरेको छ । उद्घाटन खेलमा सूर्योदयले चुलाचुली गाउँपालिकालाई १÷० गोल अन्तरमा जित निकाल्दै क्वाटर पलाइनल प्रवेश गरेको हो ।
खेलको म्यान अफ दि म्याच सूर्योदयका एकमात्र गोलकर्ता निश्चल राई घोषित भए । उनले नगदसहित ट्रफी पाए । क्वार्टर फाइनलमा सूर्योदयले माङ्सेबुङ गाउँपालिकासँग खेल्नेछ ।
प्रतियोगिता अन्र्तगत आज दुई खेल हुनेछन् । पहिलो खेल आयोजक माइजोगमाई गाउँपालिका र फाकफोकथुम गाउँपालिका साथै दोस्रो खेल इलाम नगरपालिका र माई नगरपालिका बिच हुने छ ।
माईजोगमाई गाउँपालिकाको आर्थिक सहयोगमा माइजोगमाई गाउँपालिका खेलकुद विकास परिषदको आयोजनामा सुरु प्रतियोगिताको फाइनल वैशाख ३१ मा हुनेछ । विजेता टोलीले नगद २ लाख १ हजार १ सय ११ र उपविजेता टिमले नगद १ लाख ३१ हजार १ सय ११ सहित ट्रफी, मेडल र प्रमाणपत्र पाउनेछन् ।
