फिक्कल: इलामको सूर्योदय नगरपालिका स्तरिय बाल संजाल पुर्नगठन गरिएको छ । नगरको महिला, बालबालिका तथा समाज कल्याण शाखाको समन्वय तथा नगर बाल सञ्जालको आयोजनामा सूर्योदय नगर बाल सञ्जाल पुनर्गठन गरिएको हो ।
निर्मल गुरुङको अध्यक्षतामा सम्पन्न पुनर्गठन कार्यक्रममा सूर्योदय नगरपालिकाका कार्यवाहक नगरप्रमुख डोलेन्द्र भारध्वज प्रमुख अतिथि तथा महिला, बालबालिका तथा समाज कल्याण शाखा प्रमुख तारा शेर्पा विशेष अतिथिका रूपमा उपस्थित हुनुहुन्थ्यो।
पुनर्गठनबाट प्रवल राई अध्यक्ष, प्रस्तुती गिरी उपाध्यक्ष, सन्जु पौड्य सचिव, सोफिना खड्का सह–सचिव र योजना अधिकारी कोषाध्यक्ष चयन हुनुभएको छ। त्यस्तै सदस्यहरूमा अनामिका निरौला, सोहन लिम्बु, समर्पण पराजुली, प्रतिसा ढकाल, सूचना लेप्चा, रेखा लोहार, सृष्टि निरौला, निशा कार्की, कृषा भारती, नवीन खड्का, मनन खड्का र अर्पण पराजुली चयन हुनुभएको छ।
कार्यक्रममा बालबालिकाको अधिकार संरक्षण, बाल सहभागिता तथा बालमैत्री स्थानीय शासनलाई थप प्रभावकारी बनाउने विषयमा जोड दिइएको थियो। नगर बाल सञ्जालले नगरपालिकाभित्रका बालबालिकाका सवाल पहिचान गरी सम्बन्धित निकायसम्म पु¥याउने तथा बालबालिकाको हक, अधिकार र सहभागिता सुनिश्चित गर्न भूमिका खेल्ने अपेक्षा गरिएको छ।
सूर्योदय नगरपालिका बालमैत्री तथा बाल श्रम मुक्त स्थानीय शासन प्रणालीलाई प्रभावकारी रूपमा कार्यान्वयन गर्ने र थप सशक्त बनाउन नगर बाल सञ्जालको पुनर्गठनलाई महत्वपूर्ण कदमका रूपमा लिइएको शाखम प्रमुख शेर्पाले बताउनु भयो ।
