फिक्कल: इलामका सक्रिय पत्रकार सुजन तिम्सिना सूर्योदय नगरपालिकाबाट पुरस्कृत भएका छन् । सूर्योदय नगरपालिकाको नगर सभाको उन्नाइसौँ अधिवेशनबाट स्वीकृत नीति, कार्यक्रम तथा बजेट सार्वजनिक कार्यक्रममा सञ्चार क्षेत्रमा योगदान पुर्याएको भन्दै तिम्सिनालाई पुरस्कृत गरिएको हो । उनलाई प्रतिनिधि सभा सदस्य निस्कल राईले प्रशंसापत्रसहित पुरस्कृत गरे । तिम्सिना नेपाल टेलिभिजनका इलाम संवाददाता हुन्। उनी स्थानीय सञ्चारमाध्यम लोकल सन्देश र स्थानीय सन्देशका सञ्चालक–प्रधान सम्पादक समेत रहेका छन् ।
कार्यक्रममा तिम्सिनासहित विभिन्न क्षेत्रमा योगदान पुर्याउने २६ जना व्यक्ति तथा संस्थालाई सम्मान तथा पुरस्कृत गरिएको नगरपालिकाले जनाएको छ । कार्यक्रममा उत्कृष्ठ कर्मचारीको रुपमा नगरका लेखा अधिकृत हेम प्रकाश नेम्वाङलाई सम्मान गरिएको छ ।
