फिक्कल: कोशी प्रदेश स्तरीय १५ औं राष्ट्रपति रनिङ शिल्ड प्रतियोगितामा इलाम जिल्ला २२ पदक सहित तेस्रो भएको छ । बिराटनगरमा सम्पन्न प्रदेश स्तरी १५ औं राष्ट्रपति रनिङ शिल्ड प्रतियोगितामा इलामले ६ स्वर्ण,४ रजत र १२ कास्य पदक जित्दै प्रतियोगितामा सहभागी ११ जिल्ला मध्ये तेस्रो भएको हो । प्रतियोतिामा ४६ पदक सहित मोरङ प्रथम र ४४ पदक सहित झापा दोस्रो भएको छ ।
जिल्ला खेलकुद बिकास समिति इलामका अध्यक्ष खगेन्द्र बास्तोलाले पालिका स्तरीय र जिल्ला स्तरीय राष्ट्रपति रनिङ शिल्ड प्रतियोगिताको मेहनतका कारण उक्त नतिजा हात परेको बताउनु भयो । दुई बर्ष अघि इलाम ११औ स्थानमा र गत बर्ष ९ औं स्थानमा थियो ।
जिल्ला स्तरीय राष्ट्रपति रनिङ शिल्ड प्रतियोगिता ग्रामिण क्षेत्रमा गर्न थालिए पछि पालिका पालिका बिच प्रतिष्पर्धा हुन थालेको छ भने पालिकाले बाािर्षक रुपमै प्रतियोगिताका लागि बजेट राख्न थालेका छन । अध्यक्ष बास्तोलाले भन्नु भयो‘ जिल्ला स्तरीय राष्ट्रपति रनिङ शिल्ड प्रतियोगिता ग्रामिण क्षेत्रमा गर्न थालेपछि खेलाडी उत्पादनमा उल्लेखीय बृद्धि भएको छ , जसको देखिने गरीको नतिजा यहि हो ।’
बजेटको सधै अभाव हुने जिल्ला खेलकुद बिकास समितिले पालिकाको समन्वयमा ग्रामिण क्षेत्रमा लगेर उक्त प्रतियोतिा गर्दै आएको छ । जिल्लामा पछिल्लो समय खेलकुद बिकास समितिले खेलकुदको क्षेत्रमा उल्लेखनीय काम गर्दै आएको छ । यस बर्ष नै जिल्ला खेलकुद बिकास समितिको भवन समेत निर्माण गरीएको छ । बर्सौ देखि जिर्ण रहेको कार्यालयलाई ब्यवस्थित गर्न इलामको टुडीखेल छेउमा एक तलाको पक्की भवन निर्माण कार्य अन्तिम चरणमा पुगेको छ ।
समितिमा बास्तोलाले नेतृत्व लिए पछि खेलकुदका गतिविधि बढेको हो । जिल्ला सदरमुकामा टालटुले रुपमा हुदै आएको जिल्ला स्तरीय राष्ट्रपति रनिङ शिल्ड प्रतियोगिता खेलाडी उत्पादन गर्ने मुख्य थलो अहिले बनेको छ । समितिले इलामको सूर्योदय नगरपालिकामा स्वदेशी तथा बिदेशी ओलम्पीयन खेलाडी सहभागी गराएर ओलम्पीयन मिट कार्यक्रम समेत सम्पन्न गरेको थियो । जुन कार्यक्रम सूस्र्योदय नगरपालिकाको ब्यवस्थापन ताथ अध्यक्ष बास्तोलाकै नेतृत्वमा भएको थियो ।
यसैबिच प्रदेश स्तरीय १५ औं राष्ट्रपति रनिङ शिल्ड प्रतियोगिताबाट इलामका ६ खेलाडी राष्ट्रिय स्तरको प्रतियोतिाका लागि छनौटमा परेका छन । जसमा तेक्वान्दो तर्फ दिभिना कार्की(४५ केजी)र सोनिम भट्टराई (४४केजी)रहेका छन ।
उसुमा सुनिथी राई , रितिाका राई र दिप्सन नेम्वाङ रहेका छन भने ३००० मिटर दौडमा पुष्पा शेर्मा लिम्बु छनौटमा परेको अध्यक्ष बास्तोलाले जानकारी दिनु भयो ।
