इलाम: इलाम जिल्लामा साइकल खेल तथा साइकल पर्यटनको विकास, प्रवद्र्धन र खेलाडीको क्षमता अभिवृद्धि गर्ने उद्देश्यले इलाम जिल्ला साइकल संघ गठन गरिएको छ।
सूर्योदय नगरपालिकाका युवराज बस्नेतको अध्यक्षतामा ९ सदस्यीय जिल्ला समिति गठन गरिएको हो। नवगठित समितिको उपाध्यक्षमा खगेन्द्र सिवाकोटी, सचिवमा शरण फागो , उपसचिवमा विकास प्रधान र टाईसन राई, कोषाध्यक्षमा कमला राई रहेका छन्। त्यस्तै सदस्यहरूमा अभिषेक प्रताप पौडेल, मिलन फागो र अजन्ति तामाङ रहेका छन्।
नवगठित समितिले इलाममा साइकल खेलको संस्थागत विकास सँगै जिल्लाका पर्यटकीय तथा ग्रामिण क्षेत्रलाई साइकल पर्यटन सँग जोड्ने, साइकल खेलाडीलाई प्रोत्साहन गर्ने तथा विभिन्न साइकल सम्बन्धी कार्यक्रम सञ्चालन गर्ने लक्ष्य लिएको जनाएको छ।
