फिक्कल: सूर्योदय नगरपालिकामा नगर स्तरीय १६ औं राष्ट्रपति रनिङ शिल्ड छनौट प्रतियोगिता शुरु भएको छ । तीन दिन सम्म संचालन हुने प्रतियोगिता सूर्योदय १२ को करफोक बिद्यामन्दिर माध्यमिक बिद्यालयको खेलमैदानमा शुरु भएको हो । नगर क्षेत्रका १८ वटा बिद्यालयका बिभिन्न बिद्याका सात सय बढी बिद्यार्थी सहभागी प्रतियोगिताको उद्घाटन सूर्योदय नगरपालिकाका कार्यबहाक नगर प्रमुख दुर्गा कुमार बरालले गर्नु भयो । प्रतियोगिताको उद्घाटन गर्दै कार्यबहाक नगर प्रमुख बरालले खेलकुदको बिद्यार्थीको चौतर्फी बिकासमा सहयोग पुग्ने बताउनु भयो । उहाले स्थानीय स्तरबाट छनौट हुदै गएका बिद्यार्थीले राष्ट्रिय , अन्तराष्ट्रिय स्तरमा पुगेर ब्यवसायिक खेलाडी बन्न सक्ने बताउनु भयो ।
कार्यक्रममा सूर्योदय नगरपालिकाका प्रमुख प्रशासकीय अधिकृत बिज्ञान कोइरालाले खेलकुद क्षेत्रको बिकासको जगका रुपमा राष्ट्रपति रनिङ शिल्ड प्रतियोगिता अगाडी बढेको बताउदै खेलकुदले बिद्यार्थीमा अनुसासित बनाउने बताउनु भयो ।
जिल्ला खेलकुद बिकास समिति इलामका अध्यक्ष खगेन्द्र बास्तोलाले राष्ट्रपति रनिङ शिल्ड प्रतियोगिता ग्रामिण क्षेत्रमा संचालन गर्न थालिएपछि पालिका स्तरमा प्रतियोगिता प्रतिष्पधात्मक बनेको बताउनु भयो ।
कार्यक्रममा सूर्योदय नगरपालिका शिक्षा युवा तथा खेलकुद शाखा प्रमुख योगनिधि भट्टराई , करफोक बिद्या मन्दिर माध्यमिक बिद्यालयका प्रधानाध्यापक गणेश प्रसाद आचार्य लगायतले आफनो धारण राख्नु भएको थियो । कार्यक्रममा सूर्योदय नगरपालिका वडा नं. १ का वडाध्यक्ष राजकुमार शेरेङ, वडा नं. ७ का वडाध्यक्ष लोक बहादुर चाम्लिङ ,वडा नं. ८ का वडाध्यक्ष जंग गुरुङ, वडा नं. ११ का वडाध्यक्ष सन्तोष राई , वडा नं. १२ का वडाध्यक्ष डोलेन्द्र भारध्वज , जिल्ला खेलकुद बिकास समिति इलामका कार्यालय प्रमुख योगेश चाम्लिङ लगायतको सहभागिता रहेको
शिक्षा युवा तथा खेलकुद शाखा शिक्षा अधिकृत नविनराज पौडेलका अनुसार आज आठ इभेन्टका खेल र मार्सल आर्ट तर्फ उसु बिद्याका खेल सम्पन्न भएका छन । प्रतियोगिता अन्र्तगत वाँकी खेल भोली र पर्सी हुने सूर्योदय नगरपालिकाका खेल प्रशिक्षक प्रदिप शैजुले जानकारी दिनु भयो । प्रतियोगिताको उद्घाटनको अवसरमा बिभिन्न बिद्यालयले मार्चपास तथा एनसीसी टोलिले मार्चपास गरेका थिए । मार्चपासमा पंचकन्या बोडिङ स्कुल प्रथम भएको छ भने मार्चपासमै एभरल्याण्ड एकेडेमीको एनसीसी टिम उत्कृष्ठ भएको छ ।
प्रतियोगिताको निर्णायकमा बिभिन्न बिद्याका प्रशिक्षकहरु रोहित भटराई ,खेम थापा ,राजन प्रधान, नरबबहादुर खवास , बुद्धिराज खवास लगायत रहनु भएको छ ।
यस पटक १६ औं संस्करणको जिल्ला स्तरीय राष्ट्रपति रनिङ शिल्ड छनौट प्रतियोगिता समेत सूर्योदय नगरपालिकामा चैत्र पहिलो साता सम्पन्न हुने छ ।
