फिक्कल :इलामको सर्योदय नगरपालिका ८ छिपिटारबाट एक जना लागु औषध कारोबारीलाई प्रहरीले पक्राउ गरेको छ ।सशत्र प्रहरी बल सुरक्षा बेस क्याम्प आइतबारेबाट खटीएको प्रहरी टोलीले हिजो साझ लागु औषध कारोबार भईरहेको अवस्थामा सूर्योदय ८ का ३८ बर्षीय सुनिल श्रेष्ठाई पक्राउ गरीएको हो ।
श्रेष्ठको साथबाट प्लाष्टिकमा पोको पारी राखेको १६० मिलिग्रम र प्लाष्टिक बाहिर १३८ मिलिग्राम खैरो हिरोइन प्रहरीले फेला पारेको इलाका प्रहरी कार्यालय पशुपतिनगरका इन्पेक्टर फिन्जो छे भोटेले जानकारी दिनु भयो । उक्त स्थानमा खनतलासी गर्दा थप ४ पोका खैरो हिरोइन फेला परेको भए पनि तौल जोख्ने काम भैरहेको प्रहरीले जनाएको छ ।शसस्त्र प्रहरीले फिक्कल प्रहरी चौकीमा बुझाएका श्रेष्ठलाई थप अनुसन्धानका लागि इलाका प्रहरी कार्यालय पशुपतिनगर लगिएको छ ।
