गोबिन्द पौडेल रोङ : गएराती परेको चट्याङले रोङ ५ को वडा कार्यलको बिद्युतीय उपकरण नस्ट पारेको छ भने वडा नंम्बर ६ को ग्रामिण सडक जिर्ण बनाएको छ ।
चट्याङका कारण वडा नम्बर ५ को वडा कार्यलय र अस्थाइ कोभिड अस्पतालको भवनमा रहेको बेरिङ, मिटर कम्प्युटर फ्रिज लगायतका सबै सामग्री नस्ट बनाए पछि वडाबाट प्रदान गरिने सबै सेवा ठप्प भएको वडा नं ५ का वडाध्यक्ष दल बहादुर पूलामीले बताए ।
प्रबिधिक निरीक्षण पछि मात्र क्षतीको बिवरण प्राप्त हुने वडाध्यक्ष पूलामीले बताए । यता सोहि दिन परेको अबिरल बर्षले रोङ ६को ग्रामिण सडकहरुमा नराम्ररी क्षती पुर्याएको छ ।बर्षाले रम्भ्याङ्गको स्कुलडाँडा बरबोटे बरडाडा , आलेढुङ्गा सिमधारा बरडाडा सडकको बिभिन्न स्थानमा क्षती गरेका कारण किसानले उत्पादन गरेको हपरियो चिया , तरकारी र दुध बेच्न सकिएको छैन ।
रोङगाउपालिका वडा नंम्बर ६ ले क्षतीको विवरण संकलन गर्न सदस्य जीवन राई लगायतलाई खटाएको छ । क्षतीको बिबरण वडामा बुझाएर निमार्ण र मर्मतको पहल गरिने सदस्य राईले बताए ।
यता डेढ महिना अघि नै ढुङ्गा झरेर अवरुद्ध रहेको जौवारी जिर्मले सडक अझै खुल्न सकेको छैन । उक्त सडको लामा गाउँ नजिकै सडकमा ढुङ्गा झरेर अवरोध रहेकोमा आवश्यक उपकरण नजुटेका कारण सडक खुल्न नसकेको वडा कार्यलयले बताएको छ । सडक संचालनमा नआउदा आफुहरुको दैनिकी कष्टकर बन्दै गएको लामा गाउँका मन बहादुर तामाङ्गले बताए ।
