इलाम: आसन्न प्रदेश प्रतिनिधि सभाको निर्वाचन नजिकिदै जादा दलका उम्मेदवार आफनो मत माग्न मतदाताका घरघरमा पुगीरहेका छन् । इलामको क्षेत्र नम्बर १ प्रतिनिधि सभाका उम्मेदवार झलनाथ खनाल यतिबेला आफनो निर्वाचन क्षेत्रका मतदाताका घरघरमा हुनुहुन्छ । गठबन्धनका साझा उम्मेदवार खनाललाई मत माग्न खासै अप्ठयारो छैन । किनकी उहाले यस्ता आधा दर्जन निर्वाचनमा यहि क्षेत्रको प्रतिनिधित्व गरिसक्नु भएको छ ।
पूर्व प्रधानमन्त्र तथा नेकपा एसका सम्मानित नेता खनाललाई इलाम क्षेत्र नम्बर १ मा गठबन्धनमा रहेका दल नेपाली काग्रेस र माओवादी केन्द्रले राम्रै साथ दिएका छन् । खनाल यतिबेला आफनो निर्वाचन क्षेत्रमा गठबन्धनका साझा कार्यक्रमका साथ मत मागी रहनु भएको छ । नेकपा एमालेबाट फुटेपछि उनी नयाँ पार्टी नेकपा एसबाट चुनावी मैदानमा उत्रदैछन् । स्थानियतहको निर्वाचनकोे नतिजाले पनि खनाललाई एक्लै चुनाव जित्न कठिन हुने देखिन्छ । त्यसैले उनी काग्रेस सहितको पाँच दलीय गठबन्धनको सहारामा चुनावी प्रतिस्पर्धामा छन् ।
खनालले आफनो निर्वाचन क्षेत्रमा आफु संगको कुनै प्रतिष्पर्धी नै नभएको बताउदै आउनु भएको छ । चुनाब जित्नेमा ढुक्क रहनु भएका खनाल आफैले राजनीतिमा डोहो¥याएका संग खासै प्रतिष्पर्धा नहुँने बताउदै आउनु भएको छ । खनाल संग मुख्य गरी नेकपा एमालेका जिल्ला अध्यक्ष महेश बस्नेत संग प्रतिष्पर्धा हुने छ । बस्नेत इलाम नगरपालिकाका निवर्तमान नगर प्रमुख हुनुहुन्छ । बस्नेत १ नम्बर क्षेत्रमा निर्वाचनमा प्रतिष्पर्धा गर्न आउदै गर्दा उहाको पार्टी नेकपा एमालेकै नेता कार्यकर्ताले ‘टुरिष्ट’ नेताको संघा दिने गरेका छन् । २ नम्बर क्षेत्रमा बसोबास गर्दै आउनु भएका बस्नेतले युवा भएका कारण चुनाव आफुले जित्ने दावी गर्दै आउनु भएको छ ।
इलामको निर्वाचन क्षेत्र नं. १ मा सूर्याेदय र माई नगरपालिका तथा माइजोगमाई, सन्दकपुर र रोङ गाउँपालिका गरी ५ स्थानीय तह रहेका छन् । इलाम नगरपालिकाको वडा नम्बर १० पनि पर्दछ । गत बैशाखमा सम्पन्न स्थानिय तहको निर्वाचनको मत परिणामलाई हेर्दा क्षेत्र नम्बर १ मा गठबन्धन निक्कै बलियो देखिन्छ । सूर्योदय नगरपालिकाको प्रमुखमा नेकपा एसका उम्मेदवार रण बहादुर राई विजयी बन्नु भएको छ भने काग्रेसका दुर्गा बराल उप प्रमुखमा बिजयी बन्नु भएको छ । माई नगरपालिकाको प्रमुख र माईजोगमाई गाउँपालिकाको अध्यक्षमा नेकपा एमालेका उम्मेदवार विजयी बन्नु भएको थियो भने सन्दकपुर र रोङ गाउँपालिकाको अध्यक्ष नेपाली काग्रेसले जितको थियो । ३९ वटा वडा रहेको खनालको निर्वाचन क्षेत्रमा स्थानिय निर्वाचनमा नेपाली काग्रेसले १६ ,एमालेले १५ ,समाजवादीले ७ र स्वतन्त्रले एक वडा जितेका थिए । स्वतन्त्र सहित २४ वटा वडा गठबन्धन भित्र छन ।
खनालको जितका लागि गठबन्धन मध्ये काग्रेसको भूमिका महत्वपूर्ण हुने देखिन्छ । यदी कागे्रसका कार्यकर्ताले पार्टीको निर्देशन अनुसार इमान्दार भएर भोट दिएमा खनालको जित सुनिश्चित देखिन्छ । निर्वाचन क्षेत्र नम्बर १ को प्रदेश क मा प्रदेश १ का पर्यटन मन्त्री तथा नेकपा एसका नेता खिनु लङवा लिम्बु , ख मा काग्रेसका क्षेत्र नं. १ का क्षेत्रीय सभापति तथा रोङ गाउँपालिकाका निर्वतमान अध्यक्ष शम्सेर राई चुनावी मैदानमा छन । यी दुबै उम्मेदवार बिगतको कामका कारण मतदाता माझ पपुलर छन ।
नेपाली कांग्रेस सूर्योदय नगर समितिका सभापति जिवन नेपाल पूर्व प्रम खनाललाई काग्रेस र माओवादीको पूर्ण साथ भएकाले सहज भएको बताउनु हुन्छ । उहा भन्नु हुन्छ ‘स्थानीय निर्वाचनले गठबन्धन सिकायो, अहिले गठबन्धन झन मजबुद भएको छ ।’ उहाका अनुसार गठबन्धनमा अहिले कुनै समस्या छैन । निर्वाचन पछि खनाल राष्ट्रपति बन्ने भन्ने चर्चाले पनि स्थानीय मतदाताको ध्यान खनाल तिर तानिएको छ ।
नेकपा एसका नेता तारा नेपाल गठबन्धनलाई सहज बनाउन संयुक्त कार्यक्रम लिएर गाउँ गएको बताउनु हुन्छ । खनालले भने मत माग्दा आफु देश र जनताको पक्षमा सधै लडेको बताउने गर्नु भएको छ ।
