संबिधानको रक्षा गर्न गठबन्धनलाई बलियो बनाउनु पर्छ :पूर्व प्रम खनाल – Hamropalika
अर्थ वाणिज्य सूर्योदयका १ सय ९६ जना किसानलाई काउ म्याट बितरण Uncategorized सूर्योदयका १ सय ९६ जना किसानलाइ काउ म्याट बितरण अर्थ वाणिज्य अन्तु महोत्सव आजबाट शुरु अर्थ वाणिज्य रोङको हाँसपोखरीमा आजबाट पर्यटन तथा कृषि महोत्सव शुरु हुदै प्रदेश १ कांग्रेसका डम्बर खड्कालाई भोट माग्न इलाम २ का मतदाताको घरदैलोमा गगन थापा प्रदेश १ रास्वपाका मिलन लिम्बू चुनावी प्रचार गर्दै मतदाताका घर-घरमा अर्थ वाणिज्य इलामेली समाज दक्षिण कोरियाद्वारा ३० लाख बराबरको स्वास्थ्य सामग्री वितरण प्रदेश १ उप-निर्वाचन इलाम २ः कांग्रेस इलामको कमाण्डर बिश्वप्रकाश शर्मा अर्थ वाणिज्य श्रीबुङ्गको पुराण तथा दोमाङ पाठको आय–व्यय सार्वजनिक अर्थ वाणिज्य रोङको हाँसपोखरीमा पर्यटन तथा कृषि महोत्सव हुने
Hamropalika menu advertisement

संबिधानको रक्षा गर्न गठबन्धनलाई बलियो बनाउनु पर्छ :पूर्व प्रम खनाल

  • प्रकाशित मितिः April 14, 2024
  • hamro_palika


इलाम: पूर्व प्रधानमन्त्री तथा नेकपा समाजवादीका सम्मानीत नेता झलनाथ खनालले संबिधानको रक्षा गर्न गठबन्धनलाई बलियो बनाउनु पर्ने बताउनु भएको छ ।बाम लोकतान्त्रिक गठबन्धन द्धारा रोङ स्तरीय अगुवा कार्यकर्ता प्रशिक्षण कार्यक्रमलाई सम्बोधन गर्दै पूर्व प्रम खनालले संबिधान माथी अझै पनि प्रहार भैरहेकाले त्यसको रक्षा गरी नेपालीलाई सार्वभौम सम्पन्न बनाउनका लागि गठबन्धनलाई बलियो बनाउनु पर्ने बताउनु भएको हो । उहाले बर्तमानको आवश्यक्ता भनेकै एकता भएको बताउनु भयो । उहाले लामो संर्घषबाट प्राप्त उपलब्धी संस्थागत गर्न जरुरी रहेको बताउनु भयो । उहाले नेपालको संविधान बिश्वकै उत्कृष्ठ संबिधान भएको उल्लेख गर्नु भयो । उहाले भन्नु भयो‘बिकसीत देशको संबिधानको तुलना गर्दा महिलालाई ३३ प्रतिशत सुरक्षित गर्ने संबिधान नेपालको मात्र हो । ’
उहाले संबिधानमाथी अझै खतरा रहेको बताउनु भयो । नेकपा एमाले अध्यक्ष केपी शर्मा ओलीले बिगतमा दुई दुई पटक संसद बिघटन गरेर संबिधान मास्ने षड्यन्त्र गरेको स्मरण गराउदै संबिधान बिरोधीलाई परास्त गर्नका लागि लोकतान्त्रीक शक्ति बिच गठबन्धन जरुरुी भएको बताउनु भयो ।
केपी ओली सरकारले दुई तिहाई बहुमत हुँदा पनि जनताको जनजिविकाका सवालमा काम गर्न नसकेको बताउदै त्यस बेलाको परिणाम बर्तमान सरकारले खेपी रहनु परेको बताउनु भयो ।
प्रतिनिधि सभा क्षेत्र नम्बर १ का साझा गठबन्धनका उम्मेदवार समेत रहनु भएका खनालले जिल्लामा बिकास निर्माणका धेरै काम गर्न वाँकी रहेको बताउनु भयो । उहाले बिकास निर्माणका काम एकै पटक नहुँने भएकाले क्रमश बिकास हुने बताउनु भयो । उहाले गठबन्धन दल प्रतिबद्ध हुँदा सबै क्षेत्रमा गठबन्धन उम्मेदवारको जित पक्का भएको बताउनु भयो ।
गठबन्धन दल रोङ समन्वय समितिका अध्यक्ष बृहस्पति खतिवडाको अध्यक्षतामा सम्पन्न कार्यक्रममा नेकपा माओवादी केन्द्रका केन्द्रिय सदस्य धिरेन्द्र शर्मा रमणले मंसिर ४ को निर्वाचन राजतन्त्रवादी र लोकतन्त्रवादी बिचको भएको बताउनु भयो । उहाले अहिलेको अवस्था सबै कुरा बिर्सीएर गठबन्धन जिताउने बेला भएको बताउनु भयो ।
कार्यक्रममा संबिधान सभा सदस्य टिकाराम लाप्चाले गठबन्धनमा धोका भयो भने देश संकटमा पर्ने बताउनु भयो । कार्यक्रममा नेपाली कांग्रेसका क्षेत्रीय सभापती तथा निर्वाचन क्षेत्र नं. १ प्रदेश ख का गठबन्धनका उम्मेदवार शम्सेर राईले आफुहरुले आगामी दिनमा जनताका इच्छा पुरा गर्ने गरी काम गर्ने बताउनु भयो । उहाले आफुले बिगतमा रोङ गाउपालिकालाई समृद्ध बनाउन खेलेको भूमीकाको चर्चा गर्दै उक्त निर्वाचन क्षेत्रका अधुरा काम पुरा गर्नका लागि आफु सहित गठबन्धन दलको जित आवश्यक रहेको बताउनु भयो ।
उक्त कार्यक्रममा नेपाली काग्रेस इलामका सह सचिव देवेन्द्र सुवेदीले गठबन्धनमा धोका दिने काम भए त्यसको नतिजा राम्रो नहुँने बताउनु भयो । उहाले क्षेत्र नं. १ र २ मा भाट साटासाट गरीएको बताउदै सबै नेता कार्यकर्तालाई गठबन्धनमा प्रतिवद्ध हुन आग्रह गर्नु भयो । कार्यक्रममा माओवादी केन्द्र रोङका अध्यक्ष देवेन्द्र राईले स्वागत मन्तब्य राख्नु भएको थियो ।

TOP