प्रेम अधिकारी: इलामको सूर्योदय नगरपालिकामा एकै दिन पाँचवटा सडक र एउटा बसपार्कको एकै दिन शिलान्यास गरिएको छ । एकीकृत सहरी बिकास कार्यक्रम अन्र्तगत सघन सहरी तथा भवन निर्माण आयोजनाको ५० करोड लगानीमा निर्माण हुँने सडक र बसपार्कको पूर्व प्रधानमन्त्री झलनाथ खनाल र सहरी बिकास मन्त्री मेटमणी चौधरीले एक कार्यक्रमका बिच शिलान्यास गर्नु भएको हो । बढ्दो सहरीकरणलाई मध्यनजर गरी सूर्योदय नगरपालिकाका बिभिन्न वडामा सडक कालोपत्रे गर्न तथा पशुपतिनगरमा बसपार्क निर्माण गरिने सूर्योदय नगरपालिकाका नगर प्रमुख रणबहादुर राईले जानकारी दिनु भयो ।
आयोजना अन्र्तगत पशुपतिनगरमा ६ रोपनी जमिनमा ३ करोड ७७ लाखको लागतमा बसपार्क निर्माण हुँने छ । बहुबर्से आयोजनाका रुपमा संचालन गरिएका सडक अन्र्तगत अन्तुदेखि मानेडाँडा , कन्याम देखि ग्याबाचोक ,छिरुवा छब्बीसे , मानेभञ्ज्याङ गोर्खे बजार र फिक्कल रोड अन्र्तगत छिपिटार शान्तिगोलाई गरी जम्मा २१ किलोमिटर सडक कालोपत्रे गरीने सघन सहरी तथा भवन निर्माण बिभागका उप महानिर्देशक नारायण भण्डारीले जानकारी दिनु भयो । उहाका अनुासर सडक र बसपार्कको बोलपत्र आवहान भैसकेको छ । उप महा निर्देशक भण्डारीले चाडै सम्झौता भई काम शुरु हुने बताउनु भयो । भण्डारीले कार्यालयले देशका ५० नगरपालिकामा ५० र २० करोडका दरका कार्यक्रम संचालन गरिने जानकारी दिनु भयो ।
नगर भित्र यी सहित १० वटा योजना बिभागबाट संचालन हुँने सूर्योदय नगरपालिकाका प्रमुख प्रशासकीय अधिकृत मिलन भट्टराईले जानकारी दिनु भयो । उहाका अनुसार अन्तु पोखरी, जोरपोखरी र कन्यामको ब्युटिफिकेशन समेत आयोजना अन्र्तगत गरिने छ ।
शिलान्यास गर्दै पूर्व प्रधानमन्त्री खनालले अवको केहि बर्षमा सहरीकरण बढ्ने भएकाले बेलैमा त्यस तर्फ ध्यान दिन आग्रह गर्नु भयो । उहाले शहरीकृत भएता पनि धेरै पूर्वाधार निर्माण गर्न वाँकी रहेको बताउनु भयो ।
कार्यक्रममा शहरी बिकास मन्त्री मेटमणी चौधरीले एउटा सहर बन्न आवश्यक पर्ने सबै पूर्वधार गर्ने गरी आयोजनाले काम गर्ने जानकारी दिनु भयो । उहाले देशका बिभिन्न स्थानलाई सहरीकरण गर्ने गरी मन्त्रालयले काम गरीरहेको जानकारी दिनु भयो । नगर प्रमुख राईले आयोजनाका काम समयमै सम्पन्न गर्ने गरी नगरले काम थाल्ने जानकारी दिनु भयो ।
