फिक्कल: साहारा नेपाल बचत तथा ऋण सहकारी संस्था शाखा कार्यालय फिक्कल सेवा केन्द्रले मृतक परिवारका सदस्यलाई ६ लाख रुपैयाँ बीमा रकम प्रदान गरेको छ । सुम्निमा सहारा महिला समुहले समुहका रोङ ३ का सदस्य जिना बस्नेतलाई श्रीमानको मृत्यु बापतको रकम प्रदान गरेको हो ।
बुधबार एक कार्यक्रममा सहारा नेपाल बचत तथा ऋण सहकारी संस्था शाखा फिक्कल शाखा प्रमुख कल्पना ढुंगानाले सस्थाका सदस्य रुद्र बहादुर बस्नेतको निधन भएपछि उहाकी श्रीमती जिना बस्नेतलाई क्षतीपुर्ती बापतको ६ लाख रुपैयाँको नगद चेक हस्तान्तरण गरेको जानकारी दिनु भयो ।
सूर्योदय नगरपालिका वडा नं १० का वडा सदस्य पदम बहादुर राई र स्थानीय समाजसेवी राम बहादुर भुजेलले संयुक्त रुपमा मृतककी श्रीमती बस्नेतलाई चेक हस्तान्तरण गर्नु भएको थियो ।
शाखा प्रमुख ढुंगानाका अनुसार समुहका सदस्यले कर्जा लिए बापत सहकारीको बीमा नियम अनुसार सदस्यको कालगतीमा मृत्यु भएमा क्षतीपुर्ती बापतको रकम दिने व्यवस्था गरिएको छ ।
हाल फिक्कल सेवा केन्द्रमा १ सय ५० समूह छन् भने करिब २१ सय सदस्य रहेका छन। संस्थाले बिपतमा परेका सदस्यलाई बिगत देखि नै सहयोग गर्दै आएको छ ।
