फिक्कल: जवरजस्ती करणी गरेको आरोपमा इलाममा दुई जनालाई प्रहरीले नियन्त्रणमा लिइएको छ । इलाम माई नगरपालिका एक बस्ने २० वर्षका बिकास लिम्बु र सोही स्थान बस्ने १९ बर्षका मौसम भन्ने राजन लिम्बुलाई प्रहरीले पक्राउ गरेको हो ।
निज दुवैले १४ बर्षिय र १३ बर्षिय नावालिकालाई जवरजस्ती करणी गरेको आरोपमा पक्राउ गरिएको जिल्ला प्रहरी कार्यालय इलामका सूचना अधिकारी तेजबहादुर दाहालले जानकारी दिनु भयो । उहाका अनुसार जिल्ला प्रहरी कार्यालय इलामको टोलीले दुवैजनालाई पक्राउ गरेको जनाएको छ ।
पक्राउ परेका दुबैलाई इलाम जिल्ला अदालतबाट ७ दिनको म्याद थपेर आवश्यक अनुसन्धान भईरहेको छ । उनीहरुलाई पीडित पक्षको उजुरीका आधारमा पक्राउ गरिएको जनाइएको छ । नाबालिकालाई करणीको आरोप लागेका दुबैजनाले ललाईफकाई जवरजस्ती गरेको आरोप लागेको छ ।
