फाकफोकथुम: फाकफोकथुम गाउँपालिकाले आर्थिक वर्ष २०८२/०८३ का लागि ५६ करोड ४९ लाख ८६ हजार ५ सय ७३ रुपैयाँको बजेट विनियोजन भएको छ । गाउँपालिकाको १८ औ अधिवेसनमा उपाध्यक्ष कल्पना राईले पेस गरेको उक्त बजेट पारित भएको हो । पालिकाको आन्तरिक आयबाट १ करोड ११ लाख १५ हजार ५ सय रुपैयाँ अनुमान गरेको छ । संघीय सरकारको राजश्व बाँडफाँडबाट प्राप्त ७ करोड ८७ लाख ९५ हजार ५ सय ७३, संघीय समानिकरण बापत ९ करोड ५५ लाख, संघीय सशर्त अनुदानबाट २७ करोड ४५ लाख, संघीय विशेष अनुदान ६९ लाख रहेको उपात्तयक्ष राईले बताइन । संघीय समपुरक अनुदान ३ करोड ७२ लाख प्राप्त भएको छ भने प्रदेश सशर्त अनुदानबाट १ करोड ५५ लाख ६१ हजार, समपुरकबाट १ करोड ४० लाख, समानीकरणबाट ८६ लाख ७५ हजार, प्रदेश राजश्व बाँडफाँडबाट ७६ लाख ५५ हजार अनुमान रहेको उपाध्यक्ष राईले बताइन ।
