इलाम: इलाममा सवारी दुर्घटना हुँदा एक जनाको मृत्यू भएको छ । मेची राजमार्गको भालुझोडामा दुर्घटना हुँदा मोटरसाइकल चालक इलाम सूर्योदय नगरपाकिला ४ श्रीअन्तुका रत्नकुमार थापा मगरको मृत्यू भएको हो ।
इलाम मेची राजमार्ग स्थित कन्याम– जोरकशल सडक खण्डको रोङ ४ भालुझोडामा सडक खण्डमा झापाबाट इलाम आउँदै गरेको मे ४ प ८३५५ नम्बरको बाइक र सोही दिशाबाट आउँदै गरेको मे १ ख ६५४ नम्वरको ट्रकसंग दुर्घटनामा हुँदा मोटरसाइकल चालक थापा घाइते हुनु भएको थियो । उहाँलाई उपचारका लागि भद्रपुर झापा स्थित मेची अञ्चल अस्पतालमा लैजाँदा डाक्टरले मृत घोषणा गरेको अस्पताललाई उदृत गर्दै इलाका प्रहरी कार्यालय पशुपतीनगरका इन्चार्ज बलराम गिरीले जानकारी दिनभयो ।
ट्रकलाई ओभरटेक गरेर अगाढी बढ्ने क्रममा बाइक अनियन्त्रित भई ट्रकको मुनीको भागमा पसेको जनाइएको छ । अपहन्न चारबजेतिर भएको दुर्घटनामा परि थापाको मृत्यू भएपछि ट्रक चालक इलाम सूर्योदय नगरपालिका ९ का बिमल तामाङलाई नियन्त्रणमा लिइएको उहाँले जानकारी दिनुभयो । मृतकको उमेर र अन्य कुरा खुल्न सकेको छैन । घटनाका बिषयमा थप अनुसन्धान भइरहेको जिल्ला प्रहरी कार्यालय इलामले जानकारी दिएको छ ।
