फिक्कल: लामो समय बन्दाबन्दी गर्दा पनि इलाम जिल्लामा कोरोना नियन्त्रणमा आउन सकेको छैन् । जिल्लामा प्रमुख जिल्ला अधिकारीको आदेशमा ग्रामिण क्षेत्रका यातायात र किराना पसल समेत संचालनमा रोक लगाएर बन्दाबन्दी गर्दा पनि कोरोना नियन्त्रणमा आउन नसकेको हो ।
इलाममा हहिले सम्ममा ४ हजार ७ सय ३३ जना संक्रमित रहेका छन् । १ सय ३ जनाले हाल सम्म कोरोनाबाट ज्यान गुमाई सकेका छन् । बन्दाबन्दीको समयमा पनि दैनिक संक्रमितको संख्या बढीरहेको छ । जसमा सदरमुकाम रहेको इलाम नगरपालिकामा मात्र १ हजार ५ सय ३५ जना संक्रमित रहेका छन् भने २९ जनाको मृत्यु भएको छ । त्यस पछि ८ सय ७७ जना संक्रमित सूर्योदय नगरपालिकामा रहेका छन भने २७ जनाको मृत्यु भैसकेको छ । यी दुबै नगरपालिका मानिसको बढी चहल पहल हुँने क्षेत्र हुँन ।स्थानीय प्रसाशनले भदौ १० गते सम्म बन्दाबन्दी थप गरेको छ । प्रशासनले इलाम , सूर्योदय र रोङलाई रेडजोनमा राखेको छ । प्रशासनले झापा इलामको सीमाना जोरकलशमै प्रहरी खटाएर कडाकडी गर्दे आएको छ । आवश्यक चेकजाँच पछि अति आश्यक परेका सवारी साधन मात्र जोरकलशबाट इलाम प्रबेश गर्न दिईदै आएको छ । ग्रामिणबाट संचालन हुँने सवारी साधन समेत बन्द गरिएको छ । जिल्ला बाहिर संचालन हुँने सवारी साधन इलामका बजार क्षेत्रमा रोक्न प्रतिबन्द लगाईएको छ । कन्याम लगायतका पर्यटकीय क्षेत्रमा लुकीछिपी आएका पर्यटकलाई समेत स्थानीय प्रहरीले धपाउने गरेको छ ।
इलामका प्रमुख जिल्ला अधिकारी ध्रुव बहादुर खड्काले जिल्लामा केहीदिन अघि संचालिन लोकसेवाको परीक्षा र त्रिभुवन बिश्वबिद्यालयको परीक्षाका कारण भएको बाक्लो चहलपहल भएकाले संक्रमण रोक्न कठिन भएको बताउनु भयो । प्रजिअ खड्काले बजार क्षेत्रमा प्रहरी परिचालन गरी कडाई गरीए पनि ग्रामिण क्षेत्रका प्रहरी नपुग्ने स्थानमा स्थानीय भेला हुने जस्ता कार्यले कोरोना रोक्न नसकिएको जानकारी दिनु भयो । उहाले अरु बिकल्प नभएकाले बन्दाबन्दी थप गर्नु परेको जानकारी दिनु भयो । हाल सम्म जिल्लमा १७ हजार १सय १७ जनाको कोरोना परीक्ष्ण गरिएको स्वास्थ्य कार्यालय इलामले जनाएको छ । हाल सम्म ३ हजार ६ सय ७९ जनाले कोरोनालाई जितेका छन् ।
जिल्लामा फ्रन्ट लाईनमा काम गर्ने र ५० बर्षका माथीका गरी ६१ ह्जार ५ सय जनालाई कोरोना बिरुद्धको खोप लगाई सकिएको स्वास्थ्य कार्यालय इलामका खोप निरीक्षक गंगाधर पण्डितले जानकारी दिनु भयो । पछिल्लो इलाम इलामका ग्रामिण क्षेत्रमा समेत कोरोना फैलएको छ । माई नगरपालिकाले बन्दाबन्दी थप गर्दे बन्दाबन्दीको अवज्ञाा गर्नेलाई १ लाख ५० हजार जरिवाना लिने निर्णय गरेको छ ।
