फिक्कल: इलामको सूर्योदय नगरपालिका १० फिक्कलमा संचालित फिक्कल अस्पतालमा इको सेवा संचालनमा ल्याइएको छ । थप स्वास्थ्य सेवा बिस्तार गरी नागरिकलाई सेवा प्रदान गर्नका लागि अस्पतालमा इको सेवा संचालनमा ल्याइएको हो ।
बार्षिक ६० हजार बढी नागरिकले सेवा लिदै आएको अस्पतालले स्थानीय स्तरमै नागरिकलाई सेवा दिनका लागि इको सेवा संचालनमा ल्याइएको अस्पतालका प्रमुख डा. सरोज दर्नालले जानकारी दिनु भयो । अस्पतालमा आयोजित एक कार्यक्रममा सूर्योदय नगरपालिकाका कार्यबहाक नगर प्रमुख दुर्गा कुमार बराल र प्रमुख प्रशासकीय अधिकृत बिज्ञान कोइरालाले संयुक्त रुपमा उद्घाटन गर्नु भयो । कार्यबहाक नगर प्रमुख बरालले अस्पतालमा इको मेसिन संचालनमा ल्याइए पछि सूर्योदय नगरपालिका सहित छिमेकी पालिकालाई समेत सहज भएको बताउनु भयो । उहाले भन्नु भयो‘इको सुविधा लिनकै लागि धाएर झापा सहितका अन्य जिल्ला जानु पर्ने र महंगो शुलक तिर्नु पर्ने बाध्यतको अन्त्य भएको छ, यसले हाम्रा नागरिकलाई सहज बनाएको छ ।’
डा. दर्नालले बिरामीको चापलाई मध्यनजर गरी उक्त मेसिन संचालन गरिएको जानकारी दिनु भयो । डा. दर्नालले चिसो मौषममा बढी मुटु रोगी भेटीने गरीएकाले उक्त सेवा संचालन भएपछि यहाँका सेवाग्रहीलाई ठूलो राहत मिलेको बताउनु भयो ।अस्पतालको सुविधा सम्पन्न भवनको निर्माण कार्य अन्तिम चरणमा रहेको छ । नयाँ भवनबाट सेवा संचालन भएपछि स्थानीयलाई सहज सेवा प्रदान गर्न सकिने नगरका प्रमुख प्रशासकीय अधिकृत बिज्ञान कोइरालाले जानकारी दिनु भयो । उक्त सेवा संचालन संगै फिक्कल अस्पतालको सामाजिक परीक्षण तथा आम भेला कार्यक्रम समेत सम्पन्न भएको छ ।
यस अघि नै फिक्कल अस्पतालमा पूर्ण अटोमेटीक बायोक्यामेस्टी एनालाईजर मेसीन जडान जडान गरिएको छ । नगरले नागरिकको स्वास्थ्यलाई मध्यनजर गरी अत्यन्तै छिटो परीक्षण रिर्पोट दिने गरि मेसीन जडान जडान गरेको थियो । अन्तर्राष्ट्रिय मान्यता प्राप्त उक्त मेसिनको रिर्पोटको मान्यता शत प्रतिशत रहेको छ ।उक्त मेसिन संचालन गरिएपछि छिटो रिर्पोट दिन सहज भएको अस्पतालका प्रशासन प्रमुख फाजुङ भोटेले जानकारी दिनु भयो । फिक्कल अस्पताल पहाडी क्षेत्रका अस्पताल मध्ये बढी सेवा दिने अस्पतालमा पर्दछ । नगरका जनस्वास्थ्य निरीक्षक रविन खत्रीले समयानुकुल अस्पताललाई ब्यवस्थित र प्रविधिमैत्री बनाईदै लागिने जानकारी दिनु भयो ।
