फिक्कल: राष्ट्रिय मानव अधिकार तथा सामाजिक न्याय मञ्च (नेपाल मानव अधिकार एलायन्स) जिल्ला शाखा इलामले सूर्योदय नगरपालिकामा शरण फागोको नेतृत्वमा ११ सदस्सीय कमिटी गठन गरेको छ ।
नव गठित कमिटिको अध्यक्षमा फागो निर्विरोध चयन हुनुभएको छ । उपाध्यक्षमा तुलसा खत्री , सचिवमा जीवन अधिकारी त्यस्तै सदस्यहरुमा अजित गुरुङ , प्रवीण बिसी, अरुण सुब्बा, प्रकाश खवास, अमृता राई , गायत्रा ओली र रवि गुरुङ चयन हुनु भएको छ ।
जिल्ला कमिटी इलाम शाखाले १० वटा पालिका मध्ये सूर्योदय नगरपालिलाई पहिलो पालिकाको रुपमा कमिटि गठन गरेको अध्यक्ष शारदा उप्रेतीले जान्कारी दिनुभयो । उहाँले विभिन्न संघ संस्थासँग आबद्ध रहेका व्यक्ति मात्र मानव अधिकार मञ्चमा हुन पाउने प्रवाधान रहेको बताउनुभयो । एलायन्स जिल्ला शाखा अध्यक्ष उप्रेतीको अध्यक्षतामा भएको कार्यक्रममा एलायन्स केन्द्रीय सदस्य गायत्री थेगिम प्रमुख अतिथि रहनुभएको थियो ।
कार्यक्रमा इलाम इन्चार्ज भक्त थामी ,पूर्व नगर उपप्रमुख दुर्गादेवी भट्टराई, निहारिका समाजका कार्यकारी निर्देशक रमेश राईको सहभागीता थियो ।नव गठित समितिलाई सहभागीले जनताको प्रत्यक्ष गुनासो सुन्ने र हक अधिकार संग जोडिएको संस्था भनेकै मानव अधिकार मञ्च रहेकाले काम गर्दा मार्यादित भई निपक्ष ढगंले गनुपर्ने सुझाका साथ शुभकामना दिनुभएको थियो ।
मानव अधिकार सम्बन्धी विशेष जानकारी दिँदै एलायन्सका जिल्ला इन्चार्ज भक्त थामीले मानव अधिकारका उदेश्य,काम कार्वाही गर्दाका मान मर्यदा नीति कानुन संगत ढंगले कसरी गर्ने भनि प्रस्ट पार्नुभएको थियो ।
