फिक्कल: इलामको सूर्योदय नगरपालिकामा एआई एक्सरे प्रविधिबाट संचालन गरीएको क्षयरोग पहिचान शिविरको पहिलो दिन ३२६ जनाको परीक्षण गरीएको छ ।सूर्योदय नगरपालिका स्वास्थ्य शाखाको आयोजनामा फिक्कल नगर अस्पतालमा संचालन भएको शिविरको पहिलो दिन एआई एक्सरे प्रविधिबाट आज पहिलो दिन ३२६ जनाको परीक्षण गर्दा ५२ जना शकास्पद बिरामी फेला परेका छन । जसमा ५ जना पलोम्नरी क्लिनिकल क्षयरोग पहिचान भएको शाखा प्रमुख बिपुल अधिकारीले जानकारी दिनु भयो।
प्रविधिको माध्यमबाट समयमै क्षयरोगको पहिचान गरी उपचारमा सहयोग पु¥याउने उदेश्यले सञ्चालन गरिएको उक्त शिविरमा नगरवासीको उल्लेखनीय सहभागिता रहेको थियो।शिविरको नगर प्रमुख रण बहादुर राईले अनुगमन गर्नु भएको थियो। उहाँले प्रविधियुक्त स्वास्थ्य सेवाको विस्तारले नगरवासीको जीवनस्तर उकास्न मद्दत पु¥याउने विश्वास व्यक्त गर्नु भयो ।
शिविरमा धेरैजसो सेवाग्राहीले एआई एक्सरे परीक्षण गराएका थिए भने, शंका लागेका बिरामीलाई थप परीक्षण र उपचारका लागि सिफारिस गरिएको छ । उक्त शिबिर भोलि पनि सन्चालन हुने शाखाका जनस्वास्थ्य निरीक्षक रविन खत्रीले जानकारी दिनु भएको छ ।
