फिक्कल: इलामको सूर्योदय नगरपालिका १० फिक्कलमा माने क्याम मिनि मेला लाग्ने भएको छ । माने क्याम कर्नर क्लब फिक्कलको आयोजनामा भोली बैशाख ३१ गते देखि जेठ १५ गते सम्म संचालन हुने गरी माने क्याम मिनि मेला प्रथम संस्करण २०८२ लाग्ने भएको हो ।
कन्दुक स्र्पोट हव (फुटसल)मा लाग्ने मेलामा स्थानीय जातजातीका खानाका परिकार सहित , मिनि मेला र राष्ट्रिय स्तरका कलाकारको साथमा सांगीतिक प्रस्तुती रहने आयोजक माने क्याम कर्नर क्लबका अध्यक्ष राजेश सुनुवारले जानकारी दिनु भयो। मेलामा १ दर्जन बढी स्थानीय खानाका परिकारका स्टल राखीने आयोजकले जानकारी दिएको छ । खानाका परिकारमा वाचिपा, कोदोको परिकार, फापरको परिकार सहित स्थानीय जातजातीका झाकी तथा पोषाककको प्रदर्शनी गरीने छ । नेवारी समुदायको लाखे नाच सहित बिचिन्न जातजातीका झाकी प्रदर्शनीको तयारी गरीएको छ ।
आयोजकले मेला संचालनका लागि सूर्योदय नगरपालिका र जिल्ला प्रशासन कार्यालय इलामबाट अनुमती लिई सकेको जनाएको छ । प्रत्येक दिन साझ ४ बजे देखि १० बजे सम्म संचालन हुने छ । आयोजकले मेला संचालन गर्दा १५ लाख खर्च हुने जनाएको छ । उक्त मेला सूर्योदय १० को आदर्श आधारभूत बिद्यालयका बिद्यार्थीलाई शैक्षिम र खेलकुद सामग्री सहयोग गर्ने तथा सूयोयले आयोजना गरीएको क्लबका अध्यक्ष सुनुवारले जानकारी दिनु भयो ।मेलामा रचना रिमल, प्रिती आले, एलिना चौहान, एन्जिला रेग्मी लगायतका कलाकारको साथमा सांगीतिक प्रस्तुती रहने छ ।
