फिक्कल: तेस्रो संस्करणको माइजोगमाई गाउँपालिका अध्यक्ष कप आमन्त्रित अन्तरपालिका पुरुष फुटबल प्रतियोगिता भोलिबाट सञ्चालन हुने भएको छ । तेस्रो संस्करणका खेल भोलि बिहिबारबाट शुरु हुने गरी को खेलतालिका सार्वजनिक गरीएको हो ।
उद्घाटन खेल सूर्योदय नगरपालिका र चुलाचुली गाउँपालिका बिच हुने छ । ३१ गतेसम्म सञ्चालन हुने खेलमा इलाम जिल्लाका १० वटै पालिकाको सहभागीता रहने छ ।वैशाख २६ मा आयोजक माइजोगमाई गाउँपालिका र फाकफोकथुम गाउँपालिकाबिच पहिलो खेल हुनेछ भने दोस्रो खेल माई नगरपालिका र इलाम नगरपालिका बिच हुने छ । २७ गते पहिलो खेल सन्दकपुर गाउँपालिकासँग देउमाई नगरपालिकाले खेल्ने छ । दोस्रो खेल सूर्योदय नगरपालिका र चुलाचुली गाउँपालिका बिचको विजेताले माङ्सेबुङ गाउँपालिकासँग खेल्ने छ ।
२८ गते रोङ गाउँपालिका, सन्दकपुर गाउँपालिका र देउमाई नगरपालिका बिचको विजेता टिमसँग प्रतिस्पर्धा गर्नेछ । फाइनल खेल वैशाख ३१ गते सम्पन्न हुनेछ ।माइजोगमाई गाउँपालिका संरक्षक रहेको खेल माइजोगमाई गाउँपालिका खेलकुद विकास परिषदले प्रत्येक वर्ष आयोजना गरिरहेको छ । तेस्रो संस्करण अन्तर्गत अध्यक्ष कपको विजेता टोलीले नगद २ लाख १ हजार १ सय ११, आकर्षक ट्रफी, मेडल र प्रमाणपत्र प्राप्त गर्नेछ । उपविजेता बन्ने टिमले नगद १ लाख ३१ हजार १ सय ११ ट्रफी, मेडल र प्रमाणपत्र पाउने माइजोगमाई गाउँपालिका खेलकुद विकास परिषद अध्यक्ष देवेन्द्र पौडेलले जानकारी दिनु भयो ।
