फिक्कल: ‘फागुन १६, करफोकमा कन्दरा’ यतिबेला यो स्लोगनले सामाजिक संजाल भरीएको छ । फागुन १६ गते इलामको सूर्योदय नगरपालिका १२ को करफोकमा नेपालकै चर्चीत कन्दरा ब्याण्डको सांगीतिक प्रस्तुती रहने भएपछि प्रचार प्रसारका क्रममा ‘फागुन १६, करफोकमा कन्दरा’ छाएको हो । आयोजक सहित इलामबासीले कन्दराको कार्यक्रमको ब्यापक प्रचार गरीरहेको अवस्था छ ।
यसै क्रममा आयोजक सूर्योदय होटल ब्यवसायी संघ सहितका संघ संस्थाले इलाम क्षेत्र नं. १ का संघीय सांसद महेश बस्नेतलाई कार्यक्रमको डायरी हस्तान्तरण गर्दै निमन्त्रणा गरीएको छ । सूर्योदय होटल ब्यवसायी संघका अध्यक्ष प्रज्वल प्रधान, इलाम एम टि बि राइर्डसका अध्यक्ष सरण फागो सहितको टिमले सांसद बस्नेतलाई भेटी कार्यक्रममा निमन्त्रणा गरेको हो । उनीहरुले संगीतको माध्यमबाट पर्यटन प्रवर्धन गर्न आयोजना गरीएको कार्यक्रमलाई सहयोग गर्न समेत आग्रह गरेका छन । इलाम एम.टि.बि. राइर्डसका अध्यक्ष फागोले संगीतले कसैलाई नछेक्ने भएकाले सांसद , जनप्रतिनिधि सबैलाई निम्तो गरीएको जानकारी दिनु भयो । सांसद बस्नेत समेत आफैमा गीतकार हुनुहुन्छ । उहाले कन्दराको कार्यक्रमले इलामको पर्यटन क्षेत्रमा उर्जा मिल्ने बताउनु भयो ।
सूर्योदय होटल ब्यवसायी संघका अध्यक्ष प्रज्वल प्रधानले सूर्योदय नगरपालिकाको पर्यटन प्रवर्धनका लागि कन्दरा ब्याण्डको सांगीतिक प्रस्तुती करफोकमा राखीएको जानकारी दिनु भयो । उहाले भन्नु भयो‘ कन्दरा सांगितिक कार्यक्रम लिएर बिश्व भ्रमण गरीरहेको छ, यो ब्याण्डले हाम्रो नगरको प्रचार प्रसारमा सहयोग पुग्छ भन्ने हो ।’ कार्यक्रममा इलाम , झापा, पाँचथर , ताप्लेजुङ र छिमेकी भारतबाट ठूलो संख्यामा संगीत प्रेमी आउने अपेक्षा गरीएको आयोजकले जनाएको छ ।
आयोजकले इलाम सहित झापा, पाँचथर , ताप्लेजुङ र छिमेकी भारतमा समेत कार्यक्रमको प्रचारप्रसार गरीरहेको छ ।
