फिक्कल : बिद्युत प्रसारण लाईनले नछोएको इलामको सूर्योदय नगरपालिकाको गेवाटारमा सौर्य बत्ती जडान गरिएको छ ।
११ घरपरिवार झलमल्ल बिजुली बले पछि स्थानीयमा खुःसी छाएको छ ।
भैगोलिक बिकटताका कारण बिद्युतीकरणमा समस्या हुँदै आएको बडा नम्बर १३ को खानेभन्ज्याङ गेवाटारमा सूर्योदय नगरपालिकाले ११ घर परिवारका लागि सौर्य बत्ती जडान गरिदिएको हो ।
टुकीको घरमा रात कटाउदै आएका गेवाटारमा नगरपालिकाले सोलार जडान गरी बत्ती बल्न थालेपछि स्थानीय समेत खुःसी भएका छन् । सोमबार सूर्योदयन गरपालिकाका नगर प्रमुख रणबहादुर राईले उक्त क्षेत्रमा पुगेर सौर्य बत्तीको उद्घाटन गर्नु भयो । ११ द्दरमा २० वटा सोलार , ब्याट्री र चिम जडान गरी बत्ती बाल्न थालिएको छ । सोलार बत्तीको उद्घाटन पछि एबीसी नेपाली संग कुरा गर्दै नगर प्रमुख राईले सूर्योदयबासीको उज्यालो सफना साकार पार्न आफुहरु प्रयत्नसील रहेको बताउनु भयो । उहाले भन्नु भर्यो नगरका कुनाकन्दरा उज्यालो पार्ने हाम्रो लक्ष्य हो, हामी त्यो हाम्रै कार्यकालमा पुरा गर्छौ ।’
विद्युतीकरण गर्न निकै अप्ठारो र टाडा भएका कारण उक्त क्षेत्रमा सोमबार बेलुकीसम्म धिप्री ( टुकी ) बाल्ने गरेका थिए। तर, सोमबार साझबाट उक्त क्षेत्रका झुपडी संगै स्थानीयको मन पनि उज्यालो भएको छ ।
उक्त क्षेत्रका स्थानीयले बिद्यालयमा अध्ययन गर्ने साना नानीहरू धिप्रीका भरमा अध्ययन गर्दा रातमा तीनपटक सम्म मट्टीतेल थपेर बस्नु पर्ने बाध्यताबाट मुक्त भएको बताएका छन । स्थानीयले भर्ने रातभरी धिप्री बलेपछि नाकैभरी कालै मट्टीतेलको थेक्रा बस्ने गरेको थियो, अव ढुक्क भयो ।’
झण्डै खानेभन्जाडदेखि १ घण्टा हिडेर पुगिने उक्त ठाँउका स्थानीय डोको लिएर सोलार ब्याट्री र प्यानल लिन गाडी पुग्ने ठाँउसम्म आएका थिए।दशैं नजीक आईरहेको समय पारेर यसरी बत्ती जडान भएपछि केहिको हर्षले आँखा नै रसाएका थिए । साथै केहि घरपरिवारलाई नगरपालिकाले सुरक्षीत आवास निर्माण गरिदिने समेत नगर प्रमुख राईले जानकारी दिनु भयो ।
