फिक्कल:
इलामको सूर्योदय नगरपलिका ७ कन्याममा संचालित स्काइ वाकमा सूर्योदय नगरपलिका वडा नम्बर ७ निवासी दिपाङकर चाम्लिङ राईको प्रतिमा अनावरण गरिएको छ ।सूर्योदय नगरपलिकाका नगर प्रमुख रणबहादुर राईले कन्याम क्लाउड प्रा.लि.ले निर्माण गरेको प्रतिमाको अनावरण गर्नु भएको हो । स्काइ वाकमै काम गर्ने कर्मचारी दिपाङकर चाम्लिङ राईको सडक दुर्घटनामा परी गत भाद्र २० गते ज्यान गएको थियो ।
प्रतिमा अनावरण गर्दै नगर प्रमुख राईले यो भवितव्य कसैले टार्न नसक्ने र हार्न पनि नसकिने भएकाले परिवारमा पुगेको क्षति कम गर्न नसके पनि दुख कम गर्न सक्ने प्रेरण कम्पनीको यस कामले मिलेको बताउनु भयो । उहाँले दिपाङकर प्रति श्रद्धाभव समेत व्यक्त गर्नुभयो ।
वान्डर्श नेपाल प्रा. लि. कम्पनीका तर्फबाट प्रबन्ध निर्देशक आकर्षण पोख्रेलले छोटो समयमा कम्पनीमा गरेको कामको प्रभावले गर्दा उनको प्रतिमा निर्माण गरिएको बताउनु भयो । यस्तै उहाँका पिता सूर्योदय नगरपलिका वडा नम्बर ७ का वडा अध्यक्ष लोक बहादुर चाम्लिङ राईले छोराको जन्मदिन माघ ११ गते भएकाले उक्त अवसमा प्रतिमाको अनावरण गरिदिएकोमा कम्पनी प्रति धन्यवाद ज्ञापन गर्नुभयो । उहाँले मानिसले जिवनमा इमान्दार सालिन र कर्तव्यनिष्ठ भएर बाँच्न सकेमात्रै परिवार समाज देशको बन्न सकिने पाठ सिकेको बताउनु भयो । उहाँले भौतिक सरिरले यति ज्ञान राख्न सके मात्रै सबैमा शान्ति प्राप्त हुने विश्वास व्यक्त गर्नुभयो । प्रतिमा अनावरणमा सूर्योदय नगरपलिकाका उप प्रमुख दुर्गा कुमार बराल, वडाअध्क्ष सराजकुमार सेरेङ ,डिक बम्जन , पेमा उगेन लामा ,उर्गेन बम्जन, शिवकुमार बस्नेत, देबेन्द्र आचर्य, बलबहादुर समाल कार्यपलिका सदस्य सोनाम लामा साथै दिपाङकरकी आमा सुजता चाम्लिङ र परिवाका सदस्य सहित आफन्तको बाक्लो उपस्थिति रहेको थियो ।
