फिक्कल: इलामको माई नगरपालिकाका एक सय ६० परिवारलाई न्यानो कपडा वितरण गरिएको छ । अपाङ्गता भएका ब्यक्ति र विपन्न ,असाहाय परिवारलाई जाडोका बितरण गरीएको हो ।
प्रवासी नेपाली र नेपाल भित्रका सहयोगीको सहयोगमा न्यानो कपडा जुटाएर वितरण गरीएको छ । माई नगरपालिका स्थायी घर भई हाल साउदी अरबमा रोजगारीमा रहनु भएका समाजसेवी नरकुमार मगर र माई–४ निवासी रञ्जित काफ्लेको समन्वयमा संकलित तीन लाख चार हजार दुई सय रुपियाँ मुल्यका एक सय ६० थान व्ल्यङ्केट खरिद गरी वडा तथा टोलमै पुगेर न्यानो कपडा बितरण गरिएको स्थानीय बिमल दाहालले जानकारी दिनु भयो ।
प्रवासमा रहनु भएका मगरले त्यहाँ स्थित नेपालीको सहयोगमा रकम संकलन गर्नु भएको थियो भने नेपाल भित्र काफ्लेले रकम संकलन गर्नु भएको थियो। न्यानो कपडा बितरण अभियानमा ६४ जना आर्थिक सहयोग गरेको र वडा अध्यक्ष सहित १७ जनाले वितरण कार्य, सहजीकरण तथा समन्वय गर्नु भएको छ । माई नगरपालिकामा एक कार्यक्रमको आयोजना गरी कपडा बितरण गरीएको अभियानमा सहभागी रञ्जित काफ्ले जानकारी दिनु भयो ।
