फिक्कल: सूर्योदय नगरपालिका ९ मा बाल बिकास शिक्षकका लागि क्षमता बिकास तालिम शुरु भएको छ । वडा नं. ९ को आयोजनामा १० दिन सम्म संचालन हुने तालिममा वडा नं. ९ मा कार्यरत बाल शिक्षक र आधारभूत तहमा कार्यरत शिक्षकको सहभागिता रहेको छ ।
दुर्गा गौतमले सहजीकरण गरीरहनु भएको तालिममा वडाका सामुदायिक बिद्यालयमा कार्यरत ३५ जना शिक्षकको सहभागिता रहेको छ । तालिमको उद्घाटन वडा नं. नौ का वडाध्यक्ष तथा आर्थिक बिकास समिति संयोजक देवेन्द्र शर्मा र सूर्योदय नगरपालिका शिक्षा युवा तथा खेलकुद शाखाका प्राविधिक सहायक नविन पौडेलले गर्नु भयो ।
वडाध्यक्ष शर्माले शैक्षिक गुणस्तर सुधारका लागि तालिम संचालन गरीएको जानकारी दिनु भयो । प्राविधिक सहायक पौडेलले शाखाले शैक्षिक गुणस्तर सुधारका लागि बिभिन्न कार्यक्रम गर्दै आएको जानकारी दिनु भयो ।
