रोङ : इलामको रोङ गाउँपालिका-६ को सरस्वती माध्यामिक बिद्यालयमा सरस्वतीको मन्दिरको आज शिलान्यास गरिएको छ ।बिद्यालय परिसरमा बन्ने बिद्याकी देवी सरस्वतीको बैदिक बिधिका साथ रोङ गाउँपालिकाका उपाध्यक्ष बिष्णुमाया खवासले शिलन्यास गरेकी हुन् ।
बिद्यालयले मन्दिर निर्माणको लागि गत दीपावलीको अवसरमा देउसी कार्यक्रमबाट १ लाख १ हजार ४७१ रुपैया नगद संकलन गरेको थियो । जसको लागि लागत ३ लाख ४० हजार रहेको लागत साझेदारीमा रोङ गाउँपालिकाले ६० हजार थप गरिदिने भएको छ ।बिद्यालय सेवाक्षेत्र बाहेक छिमेकि गाउँहरु तारगाउँ,सलकपुर,जौवारी क्षेत्रहरूवाट पनि आर्थिक सहयोग जुटिरहेको र कतिपय अभिभावकहरुवाट निर्माण सामाग्री रड,सिमेन्ट,वालुवा उपलब्ध गराउने प्रतिबद्धता आएकोमा प्रधानाध्यापक गोबिन्द पौडेलले बताए ।
निर्माणाधिन मन्दिरको लागि अपुग रकमको लागि बिद्यालयमा काम गरेका शिक्षक,कर्मचारी पुर्व बिध्यार्थी हरुसंग पनि अनुरोध गरिएको बिव्यस अध्यक्ष प्रेम साङपाङको भनाई रहेको छ ।मन्दिर निर्माण गरि आगामी बसन्त पञ्चमीको दिन प्राण प्रतिष्ठा सहित शिलन्यास गरिने लक्ष्य राखिएको छ ।
