फिक्कल: सूर्योदय नगरपालिका ९ को दियालो आधारभूत बिद्यालय निर्माण गरीएको बिज्ञान प्रयोगशालाको उद्घाटन गरीएको छ । बिद्यालयले निर्माण गरेको प्रयोगशालाको नगर प्रमुख रण बहादुर राईले उद्घाटन गर्नु भयो । सोहि अवसरमा दृउसीभैलो समापन सांस्कृतिक कार्यक्रम समेत आयोजना गरीयो ।
बिद्यालय ब्यवस्थापन समिति अध्यक्ष मनिराज राईको अध्यक्षता तथा नगर प्रमुख राण बहादुर राईको प्रमुख आथित्यतामा सम्पन्न कार्यक्रममा वडा नं. नौ का वडाध्यक्ष देवेन्द्र शर्मा सहितका जनप्रतिनिधिको सहभागीता थियो । कार्यक्रममा देउसीभैलोबाट दुई लाख १४ हजार ७ सय पाँच रुपियाँ संकलन भएको र वडा नंं. नौ कै ढोडे क्लबले बिद्यालयलाई १६ हजार ८ सय ४० रुपियाँ सहयोग गरेको सार्वजनिक गरीयो । संकलित रकमले बिद्यालयको शैक्षिक सुधारका कार्यक्रम संचालन गरीने बिद्यालयले जनाएको छ । उक्त कार्यक्रममा २०८० सालको देउसीभैलोबाट संकलित एक लाख ६१ हजारले बिद्यालयमा बिज्ञान प्रयोगशाला निर्माण, खेल सामग्री खरिद, बिज्ञान सामग्री खरीद, बाजा खरीद, कपी पेन्सिल खरीद र सांस्कृतिका पोषाक खरीद गरीएको बिद्यालयकी शिक्षिका बिष्णु माया राईले विवरण पेश गर्नु भयो ।
कार्यक्रममा नगर प्रमुख रण बहादुर राईले बिद्यालयले गरेका कामको प्रशसा गर्दै शिक्षकले पढाउने मात्र नभई बिद्यार्थीका हरेक गतिविधिमा जानकार बन्नु पर्ने बताउनु भयो । उहाले नगरपालिका , शिक्षा शाखा र बिद्यालयले मात्र पहल गरेर शैक्षिक सुधार नहुने हुँदा अविभावक समेत सचेत बन्न जरुरी रहेको बताउनु भयो । कार्यक्रममा वडाध्यक्ष शर्माले ग्रामिण क्षेत्रका बिद्यालयले सरकारको प्रतिनिधित्व गरेको बताउनु भयो । उहाले बिद्यालय आसपासको क्षेत्र शान्त रहने भन्दै बिद्यालयका कारण बिभिन्न समस्याबाट समाज जोगीएको बताउनु भयो । कार्यक्रममा नगरको शिक्षा युवा तथा खेलकुद शाखाका स्रोत ब्यक्ति सु दर्शन खतिवडा र बिज्ञान शिक्ष्क समाज सूर्योदयका अध्यक्ष सफल राईले कार्यक्रममा शुभकामना मन्तब्य राख्नु भएको थियो । दियालो आवि २०४१ सालमा युनिसेफको सहयोगमा स्थापना भएको थियो ।
