फिक्कल: सूर्योदय नगरपालिकाको बाह् महिना बाह् कार्यक्रम अन्र्तगत संचालित अन्तर बिद्यालय स्तरीय कपको उपाधि सरस्वती माध्यमिक बिद्यालय र करफोक बिद्या मन्दिर माध्यमिक बिद्यालयले हात परेका छन ।
नगरको शिक्षा खेलकुद बिकास समिति र शिक्षा युवा तथा खेलकुद शाखाको आयोजनामा संचालित माध्यमिक बिद्यालय स्तरीय प्रतियोगिताको मंगलबार सम्पन्न फाइनल खेलमा छात्र तर्फ फिक्कल माबिलाई १ गोलले पराजित गर्दै सरस्वतीले उपाधि हात परेको हो । यस्तै छात्रा तर्फ बिरेन्द माबिलाई २ गोलले हराउदै करफोकले उपाधि हात परेको छ । बिजेता तथा उपबिजेता टिमलाई सूर्योदय १२ का वडाध्यक्ष डोलेन्द्र भारध्वज, १४ का वडाध्यक्ष बल बहादुर समाल , जिल्ला खेलकुद बिकास समिति इलामका अध्यक्ष खगेन्द्र बास्तोला र शिक्षा युवा तथा खेलकुद शाखा प्रमुख योगनिधि भट्टराईले ट्रफी मेडल र प्रमाणपत्र बितरण गर्नु भयो ।
खेलमा छात्र÷छात्रा दुबै तर्फ उत्कृष्ट गोल रक्षक, उत्कृष्ठ खेलाडी, सर्वाधिक गोलकर्तालाई नगद सहित ट्रफी र प्रमाणपत्र प्रदान गरीएको शाखा प्रमुख भट्टराईले जानकारी दिनु भयो । स्थानीय स्तरमा खेलाडी उत्पादन गर्ने लक्ष्यका साथ आयोजना गरीएको प्रतियोगितामा नगरका सामुदायिक र संस्थागत गरी २६ टिमको सहभागिता रहेको थियो।
नगरका खेल प्रशिक्षक प्रदिप नारायण शैजुले स्थानीय स्तरबाटै खेलाडी उत्पादन गरी प्रोत्साहन गर्नका लागि प्रतियोगिता आयोजना गरीएको जानकारी दिनु भयो । नगर खेलकुद बिकास समितिका अध्यक्ष सौरभ आचार्यले तल्लो तहबाटै खेलाडीको पहिचान गर्न प्रतियोगिताले सहयोग पुगेको जानकारी दिनु भयो ।
