नयाँबजार: इलामको माईजोगमाई गाउँपालिकाले पालिकाको मुख्य बजारको रुपमा रहेको नयाँबजारका पसलको अनुगमन गरेको छ । गाउँपालिका उपाध्यक्ष प्रविना राईको संयोजकत्वमा गठित समितिले गाउँपालिकाको केन्द्र नयाँबजारका पसलमा अनुगमन गरेको हो ।
अनुगमन समिति संयोजक राई सहित गाउँपालिका अध्यक्ष कुश बहादुर थेवे ,गाउँपालिका प्रमुख प्रशासकीय अधिकृत कुमार बस्नेत , इलाका प्रहरी कार्यलय नयाँबजारका प्रहरी इन्चार्ज सहित गाउँपालिकाका कर्मचारीस्वस्थ्य कर्मी ,नयाँबजार बजार ब्यवस्थापन समितिका पदाधिकारी र जनप्रतिनिधि लगायतको टोलिले बजारका खाद्यान्न पसल र होटल गरी ४३ वटा पसलको अनुगमन गरेको समिति संयोजक राईले जानकारी दिनु भयो ।
।अनुगमनका. क्रममा केहि पसलको वडामा दर्ता नगरिएको भेटिएको थियो , केहि पसलमा मात्र मुल्य सुची राखिएको र बाकी पसलमा मुल्य सुची समेत नराखिएको पाइएको छ । केहि पसलमा म्याद गुज्रीएका सामान फेला पारेको छ । म्याद गुज्रिएको सामानलाई अनुगमन टोलिले संकलन गरी मंगलरबारनै डिस्पोज गरेको छ । आगमी दिनमा खाध्यन्न सामग्रीहरु बिक्री बितरणको लागि पसलमा राख्दा म्याद रहेका सामाग्री मात्र राख्ने र पसलमा मुल्य सुची राख्नको लागि समेत सल्लाह सुझाव समेत दिइएको छ ।
गाउँपालिकाले चाडपर्वलाई लक्षित गरी बजारको अनुगमन गरेको हो । गाउँपालिकाले अन्य पसलको आगमी दिनमा गर्ने जनाएको छ ।
बरामद भएको सामग्री नष्ट गर्दै गाउँपालिका टिम
