फिक्कल: अखाद्य बस्तुको बिक्री बितरण हुने गरेको गुनासो बढेपछि सूर्योदय नगरपालिकाका बजार अनुगमन गर्दा १ लाख ५ण् हजार बढीको अखाद्य बस्तु बरामद भएको छ ।नगरको मुख्य ब्यपारिक केन्द्र फिक्कल सहित बरबोटे , छिपिटार, पशुपतिनगर, तीनघरे आईतबारे बजार अनुगमन गर्दा १ लाख ५० हजार ८ सय ३० रुपियाँ बढीको अखाद्य बस्तु बरामद भएको हो ।
बजार अनुगमन गर्दा केही थोक पसल र डिपार्टमेन्ट स्टोरमा म्याद गुज्रिएका सामग्री फेला परेको पाइएको छ । बजार अनुगमन समितिका संयोजक नविन ढकालले संचालनमा आएका नयाँ पसलमा म्याद गुज्रिएका अखाद्य वस्तु फेला परेको जानकारी दिनु भयो । उहाका अनुसार पुराना र बिगतका बर्ष अनुगमन गरेर सर्तक गराईएका पसलमा धेरै सुधार आएको छ ।
अनुगमनका क्रममा विभिन्न ब्राण्डका चकलेट, चनाको सातु , कोक, फेन्टा , जुस , कुरकुरे , लभ क्यान्डी , गरम मसला, चिया पत्ति , थुक्पा , विस्कुट ,ढाकी पापड, पाउरोटी जस्ता खाद्य बस्तु फेला पारी बरामद गरीएको छ । पाँच दिमा नगर क्षेत्रका एक सय बढी पसलको अनुगमन भएको छ । बरामद भएको सामग्री मुचुल्का उठाएर डिस्पोज गर्ने संयोजक ढकालले जानकारी दिनु भयो ।
नगर उप प्रमुख दुर्गा कुमार बरालको संयोजकत्वको उपभोक्ता हकहित संरक्षण समितिको मातहतमा बनाइएको बजार अनुगमन समितिले अनुगमन गरेको हो । केहि पसलमा मुल्य सूची नभएको, ब्यवसाय दर्ता नविकरण नभएको पाइएको छ । अनुगमन समितिका संयोजक ढकालले त्यस्ता पसललाई सात दिन भित्रमा दर्ता नविकरण गर्न र मुल्य सूची राख्न निर्देशन दिइएको छ ।
