फिक्कल: सूर्योदय नगरपालिका शिक्षा युवा तथा खेलकुद शाखाको बाह्र महिना बाह्र कार्यक्रम अन्तर्गत माध्यमिक तह स्तरीय हाजिरी जवाफ प्रतियोगिता आज सम्पन्न भएको छ ।
२९ वटा सामुदायिक तथा संस्थागत विद्यालय मध्ये विभिन्न ४ केन्द्र विद्यालयमा भएको छनोट प्रतियोगितामा प्रथम र द्वितीय स्थान हासिल गरि कार्यक्रममा सहभागी ८ विद्यालय बिच भएको हो ।
प्रतिस्पर्धामा जनक माध्यमिक विद्यालय प्रथम, इभरल्याण्ड इन्टरनेशनल एकाडेमी द्वितीय र करफोक विद्यामन्दिर माध्यमिक विद्यालयले तृतीय स्थान हासिल गर्न सफल भएका छन् । उक्त हाजिरी जवाफ प्रतियोगिता जेनेरल राउण्ड, बहुवैकल्पिक प्रश्नोतर, ¥यापिड फायर, मेमोरी टेष्ट र भिजुअल राउण्ड गरी ५ चरणमा सञ्चालन भएको थियो । कार्यक्रममा बिजेतालाई नगर प्रमुख रणबहादुर राईले प्रमाणपत्र तथा पुरस्कार बिवरण गर्नु भएको थियो ।
