बिक्रम सुन्दाश,फिक्कल:
सूर्योदय नगरपालिकाको बजार आनुगमन समितिले बजार अनुगमन सुरु गरेको छ । नगरले मुख्य बजार फिक्कलबाट अनुगमन थालेको हो ।
फिक्कल बजारमा अनुगमनका क्रममा केही थोक पसल र डिपार्टमेन्ट स्टोरमा म्याद गुज्रिएका सामग्रीहरु फेला परेको छ विगतका अनुगमनले गर्दा यस वर्ष भने धेरै सुधार आएको पाइएको सूर्योदय नगर बजार अनुगमन समितिका अधिकृत नविन ढकालले जान्कारी दिनुभयो । उहाँले केही नयाँ पसल संचालनमा आएकाले १० दिनको म्याद दिएर दर्ता गर्न सुझाव दिएको बताउनु भयो । अनुगमनका क्रममा म्याद गुज्रिएको अखाद्यय वस्तु ,विभिन्न ब्राण्डका चकलेट, चनाको सातु , कोक, फेन्टा , जुस , कुरकुरे , लभ क्यान्डी , गरम मसला, चिया पत्ति , थुक्पा , विस्कुट ,ढाकी पापड आदि रहेका छन ।
अनुगमनमा सीमा प्रसासन कार्यालय पशुपतिनगरका प्रमुख होमनाथ पोख्रेल , नगर पलिकाका कर्मचारी पुर्णबहादुर राई, सूर्योदय उद्योग वाणिज्य संघ महासचिव तोयानाथ भट्टराई , फिक्कल प्रहरी चौकीका पुष्पलाल भट्टराई,रमेश कुमार माझी ,नगर प्रहरी ,सञ्चारकर्मी लगायतको टोलीले व्यवसायीलाई सचेत गराएका छन । नगरले उपभोक्ताको स्वास्थ्यमा अहित हुने वस्तु साथै चाडवाडमा कालोबजारी हुुनसक्ने कुरालाई मध्यनजर गरि बजारमा अखाध्य र म्याद गुज्रिएका सामग्री पाइने भएकाले बजार अनुगमन गरिएको जनाइएको छ ।
