डाइमण्ड तिम्सिना, इलाम : रोङ गाउँपालिकाको वडा नं ३ को कुटिडाँडा टोलबिकास सस्थाको दोश्रो साधारण सभा सम्पन्न भएको छ । सस्थाले गत बर्ष ५ लाख ८ हजार १०२ रुपैयाँ बराबरको प्राप्ती भुत्तानी कारोबार गरेको लेखा परीक्षण प्रतिबेदन सार्वजनिक गर्दै साधारण सभा सम्पन्न भएको हो ।
गाउँपालिका अध्यक्ष मनिकुमार स्याङबो, उपाध्यक्ष बिस्नुमाया खवास ३ नं. वडा अध्यक्ष मात्रिका बराल लगायत बिभिन्न संघ संस्थाका प्रतिनिधिको उपस्थित कार्यक्रममा रहेको थियो। दुई बर्ष अघि २०७९ माघ १६ गते ३ नम्बर वडा कार्यालयमा दर्ता भइ स्थापना भएको टोल बिकास सस्थाले कुटिडाँडा बजारको बिद्युत ब्यवस्थापन तथा सरसफाइ कार्य टोलबिकास सस्था मार्फत हुदै आएको सस्थाका सचिब दिनेश निरौलाले बताउनु भयो ।
टोल बिकास सस्थामा ९१ हजार ७१४ रुपैयाको पुजीबचत रहेको र नगद ६३ हजार ४२४ रुपैया बैकम रहेको सचिब निरौलले जानकारी दिनुभयो । टोलबिकास सस्थाले सडक बिद्युत र सस्कृति जगेर्नालाई बिशेष जोड दिएर कार्यक्रम गरिरहेको छ । ्८९ घर सदस्य रहेको यस टोलमा ढल ब्यवस्थापन मुख्य चुनौती रहेको टोलबिकास सस्थाका अध्यक्ष मिलन भुजेलले बताउनुभयो ।यसैबिच साधारण सभाको अवसरमा टोलबिकास सस्था भित्रका एकल महिलाहरुलाई सम्मान गरिएको थियो । कार्यक्रममा गाउँपालिका अध्यक्ष मनिकुमार स्याङ्बोले सबै वडामा टोल बिकास संस्था गठन गर्दै बिकासको गति स्थानीय सरकार संग जोड्ने बताउनु भयो ।
