इलामको सूर्योदय नगरपालिकाले नगर क्षेत्रका बिद्यालयमा संचालन गरेको बालबचत खातामा डेढ बर्षको अवधिमा ८८ लाख बढी रकम जम्मा भएको छ ।
बिद्यार्थीले गर्ने फजुल खर्च कटाएर बचत गर्ने बानीको बिकास गर्नका लागि नगरपालिकाले नगर क्षेत्रका सामुदायिक र संस्थागत बिद्यालयका बिद्यार्थीको बैंक खाता खोली संचालन गरीएको बाल बचत खातामा डेढ बर्षको अवधिमा ८८ लाख बढी रकम जम्मा भएको हो ।
बिद्यार्थीले दैनिक न्यूनतम पाँच रुपियाँका दरले रकम जम्मा गर्दा २०७९ मंसिर देखि २०८१ असार मसान्त सम्मको डेढ बर्षको अवधिमा सामुदायिक र संस्थागत बिद्यालयमा गरी ८८ लाख ७३ हजार पाँचसय १५ रुपियाँ रकम जम्मा भएको सूर्योदय नगरपालिका शिक्षा युवा तथा खेलकुद शाखाका प्राविधिक सहायक नविन पौड्ेलले जानकारी दिनु भयो ।
नगरले बाल बचत खाता संचालन सम्बन्धि कार्यबिधि बनाएर शुरुमा सामुदायिक बिद्यालयमा अध्ययनरत बिद्यार्थीको बचत गराएको थियो । नगरले गत शैक्षिक सत्रदेखि संस्थागत बिद्यालयका बिद्यार्थीको समेत खाता संचालन गरी बचत कार्यक्रममा सहभागी गराएको छ ।
सूर्योदय नगरपालिकामा ६५ वटा सामुदायिक बिद्यालमा भर्ना भएका दुई हजार छ सय ६५ जना बिद्यार्थी मध्ये दुई हजार चार सय ९० जनाको खाता संचालन गरीएको छ । जसबाट सामुदायिक तर्फ ८५ लाख ८८ हजार चारसय ५० रुपियाँ जम्मा भएको छ । बसाँई सरी आउने तर, कागजी प्रक्रिया पुरा नगरेका कारण केहि बिद्यार्थीको खाता संचालनमा समस्या भएको शिक्षा युवा तथा खेलकुद शाखा प्रमुख योगनिधि भट्टराईले जानकारी दिनु भयो ।
्नगर भित्रका ३१ वटा संस्थागत बिद्यालयका दुई हजार ३४ जना भर्ना भएका बिद्यार्थी मध्ये सात सय ४७ बिद्यार्थीले मात्र खाता खोलेको पाइएको छ । जसबाट संस्थागततर्फ दुई लाख ८५ हजार ६५ रुपियाँ मात्र रकम जम्मा भएको शाखाले जनाएको छ ।
बिद्यार्थीले नगरको कार्यविधि अनुसार न्यूनत दैनिक पाँच रुपियाका दरले मासिक एक सय ५० रुपियाँ जम्मा गर्ने गरेका छन् भने फजुल खर्च घटाएर त्यो भन्दा बढीकै दरले रकम जम्मा गर्ने गरेको शाखा प्रमुख भट्टराईले जानकारी दिनु भयो । उहाले भन्नु भयो‘बाल बचतले बिद्यार्थीलाई नियमित गराउन सहयोग पुगेको छ तर, संस्थागत बिद्यालयले खाता खोलाउने बिषयमा कन्जुस्याई गरेको पाइयो ।’ शाखा प्रमुख भट्टराईले बाल बचत बिद्यार्थीको उच्च शिक्षाको सहयोगी कार्यक्रम भएकाले संस्थागत बिद्यालयमा खाता संचालनका लागि थप पहल थाल्ने बताउनु भयो ।
नगरले कक्षा १२ उत्तीर्ण गरेपछि मात्र खातामा जम्मा भएकोे रकम झिक्न पाउने ब्यवस्था गरेको छ । बचत कार्यक्रमलाई प्रभावकारी बनाउनका लागि नगरले प्रत्येक बिद्यालयमा एक जना बाल बचत फोकल शिक्षक तोकेको छ । शुरुमा एक कक्षा देखि पाँच कक्षा सम्मका बिद्यार्थीलाई बचत गराईए पनि अहिले सात कक्षा सम्म उक्त कार्यक्रम संचालन गरीएको छ ।
सूर्योदय नगरपालिकाका नगर प्रमुख रण बहादुर राईले बिद्यार्थीको भविश्यलाई मध्यनगर गरी बचत कार्यक्रम संचालन गरीएको जानकारी दिनु भयो । उहाले बिद्यार्थी नियमित गराउने, अविभावकलाई बिद्यार्थी प्रति चासो जगाउने र अविभावकले बिद्यालय प्रति चासो जगाउने भएकाले बचत कार्यक्रम प्रभावकारी रहेको बताउनु भयो ।‘शिक्षाको क्षेत्रमा नगरपालिका मात्र सक्रिय भएर हुँदैन, बिद्यार्थी र अविभावक पनि चलायमान बन्नु पर्छ भन्ने हाम्रो मान्यता हो, त्यो काम यो बचत कार्यक्रमले गरेको छ ’नगर प्रमुख राईले भन्नु भयो ।
शिक्षा क्षेत्रमा कोशी प्रदेशकै उत्कृष्ठ घोषणा भएको नगरपालिकाले बिद्यालयलाई प्रविधिमैत्री बनाउन प्रत्येक बिद्यालयमा इ हाजिरी, कम्प्युटर ल्याव संचालन गरी गणित, बिज्ञान ल्याव स्थापना गर्दै आएको छ । नगर प्रमुख राईले परीक्षाको नतिजा संग अहिलेको लगानीलाई तुलाना गर्ने भन्दा अहिलेको लगानीको प्रतिफल दिर्घकालिन रुपमा देखिने बताउनु भयो ।
नगरले चालु अर्थिक बर्षमा बाल बचत खाता संचालन र ब्यवस्थापनका लागि दुई लाख पचाँस हजार रुपियाँ रकम बिनियोजन गरेको छ । नगरको वडा नं. ८ ले नर्सरी देखि कक्षा पाँच सम्मका बिद्यार्थीको खातामा प्रति बिद्यार्थी पाँच सयका दरले एकमुष्ट रकम जम्मा गर्न अनुदान रकम राखेको छ । गोरखापत्र दैनिकबाट
