इलामको माईजोगमाई गाउँपालिका वडा नं.६,प्याङ्गमा वरिष्ठ हाडजोर्नी तथा नसा रोग विशेषज्ञ डा.गोविन्द के।सीद्वारा तीन दिवसीय उपचार सेवा सम्पन्न भएको छ । माईजोगमाईको वडा नं.६ मा आएर डा. केसीले पहिलो दिन ७० जना बिरामीलाई सेवा दिनु भएको थियो भने दोस्रो दिन ११५ जना र बिहिबार तेस्रो दिन २०० जना गरी जम्मा ३८५ जना विरामीले सेवा लिएका थिए ।
आफ्नो पालिकामा आएर सेवा दिनु भएकोमा गाउँपालिका अध्यक्ष कुश वहादुर थेवे , उपाध्यक्ष प्रविना राई लगायतले डा. गोविन्द के.सीलाई धन्यवाद ब्यक्त गर्नु भयो साथै यसरी सेवा दिन पाएकोमा आफु खुसी भएको डा. गोविन्द केसीले बताउनु भयो ।
