फिक्कल: इलामको माईजोगमाई गाउँपालिका वडा नंबर ५ सोयाङका राम कुमार श्रेष्ठ बिगत पाँच दिन देखि बेपत्ता हुँनु भएको छ ।
५७ बर्षीय श्रेष्ठ बेपत्ता हुनु भए पछि सबै तिर खोजी भैरहेको पारिवारीक श्रोतले जानकारी दिएको छ ।
शुक्रबार बेलुका खाना खाएर सुत्नु भएका श्रेष्ठ शनिबार बिहान परिवारका सदस्यलाई केहि जानकारी नदिई घरबाट हिड्नु भएको थियो । परिवारले गाउँमा बुझदा कतै फेला नपारेपछि उक्त दिन नै इलाका प्रहरी कार्यालय नयाँबजारमा खोजी कार्यका लागि निवेदन दिएको जनाएको छ ।
प्रहरी सहित स्थानीयले त्यस क्षेत्रका गाउँ , जंगल सबै ठाउमा खोजी गरीसकेको छ । श्रेष्ठका आफन्त(सालो)मणिकुमार श्रेष्ठले सबैलाई खोजी कार्यमा सहयोग गरिदिन आग्रह गर्नु भयो । माईजोगमाई गाउँपालिकाका अध्यक्ष कुश बहादुर थेवेले हराएका श्रेष्ठको खोजीका लागि पालिकाले समेत पहल गरीरहेको जानकारी दिनु भयो ।
