फिक्कलः संविधान दिवस—२०७७ को अवसरमा इलामको सूर्योदय नगरपालिकामा शुक्रबार साझ दिप प्रज्वलन गरिएको छ ।संबिधान दिवसको अवसरमा नगरपालिकाले नगर क्षेत्रभित्र रहेका सरकारी कार्यालय,संघ,संस्था,विद्यालय र सम्पूर्ण नागरिकको घरघरमा दीप प्रज्वलन र राष्ट्रिय झण्डातोलन गर्ने निर्णय गरे अनुसार दिप प्रज्वलन गरिएको हो ।
नगर प्रमुख रणबहादुर राईले दिप प्रज्वल गर्दै जनताको अधिकार जनताकै हातमा आएको दिनलाई उल्लासका साथ मनाउन सबैमा आग्रह गर्नु भयो । दिप प्रज्वल कार्यक्रममा संविधान दिवस आयोजक समितिका संयोजक तथा वडा नम्बर १० का वडाध्यक्ष पेमा उगेन लामा , नगरपालिकाका कर्मचारी लगायतको सहभागीता रहेको थियो । नगरले असोज २ देखि ४ गते सम्म दीप प्रज्वलन गर्न आह्वान गरेको छ ।
साथै नगरभित्रका सम्पुर्ण मन्दिर,बुद्धविहार,मस्जिद,चर्ज लगायतका धार्मिक स्थलहरुमा नित्य पुजा तथा प्रार्थना गर्ने गराउने समेत निर्णय गरेको संविधान दिवस आयोजक समितिका संयोजक लामाले जानकारी दिनु भयो ।
उक्त अवसरमा शनिबार बिहान म्याराथुन दौड प्रतियोगिता संचालन गरिने भएको छ । प्रतियोगितामा खुल्ला समुह तर्फ ३५ बर्षसम्म , महिला समुह र भेट्रान समुहको खेल संचालन हुने छ । उक्त कार्यक्रममा जनप्रतिनिधि र कर्मचारीको उपस्थितिे अनिवार्य गरिएको छ ।
