फिक्कल: सूर्योदय नगरपालिकाले कृषि उपजलाई बजारीकरणमा सहजता ल्याउन कृषि एम्बुलेन्स बितरण गरेको छ । नगरले स्थानीय स्तरमा उत्पादन भएको कृषि उपजलाई बजार सम्म लैजानका लागि सहजता ल्याउन पशुपतिनगरमा रहेको साना किसान सहकारी संस्थालाई कृषि एन्वुलेन्स हस्तांतरण गरेको हो ।
८० प्रतिशत अनुदान नगरपालिकाबाट र २० प्रतिशत लागत साझेदारी सहकारी संस्थाको रहेको नगरको आर्थिक बिकास समितिका संयोजक देवेन्द्र शर्माले जानकारी दिनु भयो । नगरको १९ लाख ७५ हजार रुपियाँ र वाँकी साना किसान सहकारी संस्थाको गरी २५ लाखको लागतमा कृषि एम्बुलेन्स खरिद गरीएको संयोजक शर्माले जानकारी दिनु भयो । कृषि एम्बुलेन्स बितरणले सूर्योदय नगरपालिका वडा नं. २ र ३ का किसानलाई सहजता भएको नगरले जनाएको छ ।
सूर्योदय नगरपालिकाका नगर प्रमुख रण बहादुर राईले कृषि एम्बुलेन्स वितरणले साना किसान सहकारीका सदस्यलाई आफूले उत्पादन गरेको कृषि बस्तु बजारमा सहज, सरल र कम खर्चमा ढुवानी गर्न मद्दत पुग्ने बताउनु भयो । उहाले भन्नु भयो‘उत्पादन भएको कृषि उपज सहज तरीकाले बजार पु¥र्याउने लक्ष्य नगरको हो ।’
यस अघि नगरले २७२ जना किसानलाई चिया टिप्ने हाते मेसीन र १६ जना किसानलाई हाते टयाक्टर बितरण गरेको थियो । ५० प्रतिशत अनुदानमा बितरण गरीएको चिया टिप्ने हाते मेसीनमा नगरले ८० लाख लगानी गरेको छ ।
