नयाँबजार: माईजोगमाई गाउँपालिकामा रहेका लिम्बू जातिको जातिय संस्था किरात याक्थुम चुम्लुङ गाउँ कार्य समितिद्वारा आयोजित १ महिने च्याबुङ् (केलाङ) प्रशिक्षणको समापन भएको छ ।
कार्यक्रम किरात याक्थुम चुम्लुङ माईजोगमाई गाउँपालिका कमिटिको आयोजनामा प्रशिक्षण कार्यक्रम सम्पन्न भएको हो । कार्यक्रम अध्यक्ष तुल बहादुर चेमजोङको अध्यक्षता तथा माईजोगमाई गाउँपालिका अध्यक्ष कुश बहादुर थेवेको प्रमुख आथित्यता साथै माईजोगमाई गाउँपालिका उपाध्यक्ष प्रविना राईको विशेष आथित्यता तथा वडा नं १ का वडाध्यक्ष याम कुमार कार्की ,कार्यपालिका सदस्य धनलक्ष्मी सोङ्मी ,वडा सदस्य भक्त चेमजोङ , विभिन्न जनजाति महासंघका प्रतिनिधि, सुरक्षाकर्मी लगायतको उपस्थितिमा कार्यक्रम समापन भएको थियो। प्रशिक्षणमा किरात याक्थुम चुम्लुङ जिल्ला समिति सदस्य चम्पासिङ तामलिङले प्रशिक्षण दिनु भएको थियो । कार्यक्रममा स्वगत मन्तब्य डम्बर चेमजोङले राख्नुभएको थियो भने कार्यक्रमको संचालन मनोज लिम्बुले गर्नुभएको थियो ।
