नयाँबजारइलामको माईजोगमाई गाउँपालिकामा एक महिने कुक तथा होमस्टे तालिम सम्पन्न भएको छ ।गाउँपालिकाको बार्षिक स्वीकृत कायक्रम अनुसार गाउँपालिकाका २१ जना युवालाई कुक तथा होमस्टे तालिम दिईएको हो । तालिममा ७० बढी खानाका परिकार बनाउन सिकाईएको होमस्टे ब्यवसायी तथा कुक तामिम प्रशिक्षक निर्मला लाप्चाले जानकारी दिनु भयो ।
वडा नं. १ का वडाध्यक्ष याम कार्कीको अध्यक्षता तथा गाउँपालिका अध्यक्ष कुश बहादुर थेवेको प्रमुख आतिथ्यता र गाउँपालिका उपाध्यक्ष प्रविना राईको बिशेष आथित्यतामा कार्यक्रम सम्पन्न भएको थियो । कार्यक्रम समापनको अवसमा बोल्दै गाउँपालिका अध्यक्ष थेवेले कुकु तथा होमस्टे तालिमले माईजोगमाईको पर्यटन प्रवर्धनमा सहयोग पुग्ने बताउनु भयो । उहाले पूर्वाधार बिकास मात्रले नभई पर्यटन प्रवर्धनका लागि परिकार निर्माण र होमस्टे ब्यवस्थान तालिम समेत जरुरी रहेको जानकारी दिनु भयो ।
उक्त अवसरमा गाउँपालिका उपाध्यक्ष राईले युवालाई आत्मनिर्भर र ब्यवसायिक बनाउनका लागि कुक तथा होमस्टे तालिमले महत्वपूर्ण भूमीका खेल्ने बताउनु भयो । उहाले भन्नु भयो‘तालिम लिएका युवाले ब्यवसायीक रुपमा काम गर्नु पर्दछ ।’उहाले शिप र दक्षताले मात्र ब्यवसायिक बन्न सकिने बताउनु भयो । तालिममा सहभागीलाई प्रमाणपत्र वितरण गरिएको थियो ।यस्तै गाउँपालिकामा संचालित एक महिने कम्प्युटर समेत सम्पन्न भएको छ । तालिममा २३ जना सहभागी थिए ।
