इलाम: इलामको चुलाचुली स्थित रतुवा खोलामा जिप डुब्दा दुई जनाको मृत्यु भएको छ। खोलामा डुबेका अन्य चार जनाको उद्धार गरीएको छ । मृत्यु हुनेमा माङसेबुङ ५ की ३२ बर्षीय सर्मीला वनेम पाmगो र माङसेबुङ तीनका तीन बर्षीय नियन नेम्वाङ रहनु भएको इलामका प्रहरी प्रमुख एसपी प्रभु ढकालले जानकारी दिनु भयो ।
सुनसरीको धरानबाट इलामको माङ्सेबुङको लारुम्बा जादै गरेको लु १ ज ९४९१ नम्बरको बोलेरो जिप खोला तर्ने क्रममा चुलाचुली ५ को रतुवा खोलामा सोमबार साझ डुबेको थियो । गाडी डुबे पछि अतालिएर खोलामा डुबेका मध्ये चार जनाको उद्दार गरीएको छ । मृतक मध्ये सर्मीलाको शब पोष्टमार्टमका लागि दमक लगिएको छ भने नियनको शब सडकको ठेकेदार आए पछि मात्र उठाईने भएको् छ । महालक्ष्मी किरातेश्वर कम्पनीले सडक कालोपत्रे गर्ने क्रममा सडक बन्द गराएर खोलाबाट सवारी संचालन गरीदै आएको थियो । दुर्घटना पछि सडक खुल्ला गरीएको छ ।
‘
