फिक्कल: इलामको सूर्योदय नगरपालिका ७ मा तीन महिने आधारभूत कम्प्युटर तालिम सम्पन्न भएको छ । वडाको बार्षिक स्र्वीकृत कार्यक्रम अनुसार वडाका २८ जनालाई तीन महिना सम्म संचालन गरीएको तालिमको समापन मंगलबार सम्पन्न भएको हो ।युवा लक्षित कम्प्युटर तालिममा प्रत्येक टोलबाट छनौट गरी सहभागी गराइएको थियो । वडा सचिव कमलकान्त पोख्रेलको अध्यक्षता तथा वडाध्यक्ष लोक बहादुर राईको प्रमुख आथित्यतामा सम्पन्न कार्यक्रममा सहभागीलाई प्रमाण पत्र प्रदान गरीएको तियो ।
समापन कार्यक्रममा बोल्दै वडाध्यक्ष राईले युवालाई ब्यवसायीक बनाउनका लागि कम्प्युटर तालिम संचालन गरीएको जानकारी दिनु भयो । उहाले वडाले थोरै बजेटमै भए पनि युवा र लक्षित बर्गका कार्यक्रम संचालन गर्दै आएका बताउनु भयो । कार्यक्रममा तालिममा सहभागी नेत्रमणी भट्टले आफु सहकारीमा आवद्ध भएर काम गरीरहदा कम्प्युटर शिक्षाको अभावमा हातले काम गर्दै आएकोमा तालिम पछि कम्प्युटरमा सबै काम गर्न सक्ने भएको बताउनु भयो । बुलन्द मल्टिटेक्निकल मिडिया प्रा.लि.को समन्वयमा भएको तालिममा अर्पण खड्काले सहजीकरण गर्नु भएको थियो । वडा सदस्या श्याम कृष्ण कटुवाल ले स्वागत मन्तब्य राख्नु भएको कार्यक्रमको संचालन वडा कर्मचारी क्षितिज गड्तौलाले गर्नु भएको थियो ।
