फिक्कल: इलामको सूर्योदय नगरपालिकाको फिक्कल बजारमा पाँचौ सूर्योदय सडक महोत्सव शुरु भएको छ । पर्यटन प्रवर्धन गर्ने उद्देश्यले सोमबारबाट पाँचौ संस्करणको सूर्योदय सडक महोत्सव शुरु भएको हो ।
महोत्सवको उद्घाटन गर्दै सूर्योदय नगरपालिकाका नगर प्रमुख रण बहादुर राईले पर्यटकीय नगरीमा आयोजना गरिएको महोत्सवले आन्तरिक पर्यटन प्रवर्धनमा सहयोग पुग्ने बताउनु भयो । सडक महोत्सव दुइृ दिन सम्म संचालन हुने छ ।
महोत्सवमा स्थानीय खाद्य परिकार, हस्तकला सामग्री, बिद्युतीय सवारी साधन स्टल, वातावरणमैत्री निर्माण सामग्री र स्थानीय पर्यटकीय उपजका गरी २५ वटा स्टल रहेका छन् । दुई दिन सम्म संचालन हुँने महोत्सव सम्पन्न गर्दा १९ लाख रुपियाँ खर्च हुने र उक्त अवधिमा १५ हजारले महोत्सवको अवलोकन गर्ने आयोजक सूर्योदय होटल ब्यवसायी संघका अध्यक्ष प्रज्वल प्रधानले जानकारी दिनु भयो । उहाले भन्नु भयो‘सडक महोत्सव नेपालका थोरै ठाउँमा मात्र हुने गरेको छ, त्यस मध्ये निरन्तर्ता पाएको फिक्कलले पनि हो ।’
महोत्सवको आयोजना सूर्योदय होटल ब्यवसायी संघ, यूनाइटेड फिक्कल क्लब र सूर्योदय जेसिजले गरेका छन्। सूर्योदय जेसिजका अध्यक्ष अभिषेक पौडेलले सडक महोत्सवमा दुई दिनमा एक करोड रुपियाँ बढीको करोबार हुने बताउनु भयो ।
महोत्सवमा गायिका रचना रिमाल सहित बिभिन्न ब्याण्डको प्रस्तुती रहने छ । पाँच बर्ष देखि फिक्कलमा सडक महोत्सव हुदै आएको छ ।
