फिक्कल: इलामको सूर्योदय नगरपालिकाका १४ वटै वडाका ब्यवसायिक किसानलाई काउ म्याट बितरण गरीएको छ । नगरको पशु सेवा शाखाले बार्षिक स्र्वीकृत कार्यक्रम अनुसार नगरका १४ वटै वडाका एक सय ९६ जना किसानलाई ५० प्रतिशत अनुदानमा काउ म्याट बितरण गरीएको हो । नगरले टोल तथा वडाको सिफारिसमा किसानलाई काउ म्याट बितरण गरेको जनाएको छ ।
प्रति गोटा चार हजार नौ सय ५० रुपियाँ पर्ने काउ म्याट किसानको ५० प्रतिशत लागत साझेदारीमा बितरण गरीएको पशु सेवा शाखाका प्रमुख बिपिन कुमार सिंहले जानकारी दिनु भयो । उहाका अनुसार काउ म्याटमा गाईलाई बस्न सजिलो हुँनका साथै सहज बसाईका कारण गाईले बढी दुध दिने संभावना बढ्छ । प्रमुख सिंहका अनुसार थुनेलो रोगको जोखीम रहदै आएको नगरमा काउ म्याट प्रयोग गर्दा त्यस्को जोखीम समेत कम हुँने बताउनु भयो । नगरमा ९ लाख ७० हजार दुई सय २० रुपियाँ बराबरको काउ म्याट बितरण गरिएको छ ।
काउ म्याट बितरण गर्दै नगर प्रमुख रण बहादुर राईले किसानको मुहार हसिलो भए मात्र नगरमा समृद्धि आउने बताउनु भयो । उहाले भन्नु भयो‘हामी दैनिक दुई लाख लिटर दुध उत्पादन गर्ने लक्ष्यमा छौ,लक्ष्य अनुसार दुध उत्पादन गर्न सके पाउडर प्लान्ट स्थापना गर्न सकिन्छ ।’ उहाले पाउडर प्लान्ट स्थापना भए पछि दुधले बजार र मुल्य नपाउने जस्ता समस्या हटेर जाने बताउनु भयो ।
सूर्योदय नगरमा हाल दैनिक ७५ हजार लिटर दुध उत्पादन हुँदै आएको छ । नगरमा नौ हजार बढी गाई पालक किसान रहेका छन । नगरले खोरेत मुक्त बनाउनका लागि नगरका २० हजार ८ सय ७१ पशुलाई निःशुल्क खोप हानेको छ ।
यो संगै नगरले लम्पी स्कीन डिजिजको महामारीमा घरघरमै पशु प्राविधिक पठाएर पशुको उपचार गराएको नगरको आर्थिक बिकास समितिका संयोजक देवेन्द्र शर्माले जानकारी दिनु भयो । नगरले लम्पीको खोप समेत पशुलाइृ यस अघि नै हानी सकेको छ ।
