फिक्क्ल : सूर्योदय नगरपलिकाको अन्तुमा आजबाट अन्तु महोत्सव शुरु हुदै छ । आयोजक समितिका संयोजक नगर उपप्रमुख दुर्गा कुमार बरालले व्यवस्थापकीय पक्ष, सुरक्षा, आवश्क संरचना लगायत सबै तयारी पुरा भई अव कार्यक्रम शुरु हुने जानकारी दिनु भयो ।
स्थानीय उत्पादन र मौलिक संस्कृतिको प्रवर्द्धन गर्ने उद्देश्यले नयाँ वर्षको अवसरमा आगामी वैशाख १ सम्म ‘अन्तु पर्यटन महोत्सव २०८१’ को आयोजना गरिएको हो । स्थानिय रैथाने उत्पादन र मौलिक संस्कृतिको प्रदर्शन गरेर आगन्तुकलाई चिनाउने उद्देश्यले महोत्सव आयोजना गरिएको बरालले बताउनुभयो । महोत्सवका अवसरमा ‘दोस्रो सूर्योदय आइडलको ग्रान्ड फिनाले’ गरिने छ । महोत्सव समापन गर्न १५ लाख खर्च हुने अनुमान आयोजकले गरेको छ । महोत्सव अवधिभर करिब दश हजार पर्यटक भित्रिने अपेक्षा राखिएको छ । महोत्सवमा स्थानिय विभिन्न जातजातिका खानाका परिकार, चिया, दुधका परिकार कृषि उत्पादन कलात्मक सिपले बनाइएका बस्तु लगायतका स्टल रहेको आयोजक समितिले जानकारी दिएको छ । महोत्सवमा कलकारको सांगितिक प्रस्तुति रहने छ ।
