फिक्क्ल: धार्मिक पर्यटन ,स्थानीय कृषि उत्पादन र मौलिक संस्कृतिको प्रवर्द्धन गर्ने उद्देश्यले इलामको रोङ गाउँपालिका स्थित हाँसपोखरीमा पर्यटन तथा कृषि महोत्सव हुने भएको छ । नयाँ वर्षका अवसरमा यही चैत ३० गतेदेखि आगामी वैशाख ६ सम्म ‘रोङ पर्यटन तथा कृषि महोत्सव – २०८१’ को आयोजना हुने भएको हो ।
‘रैथाने कृषि उत्पादनको बिक्रीवितरण , धार्मिक तथा मौलिक संस्कृतिको प्रदर्शन गरेर आन्तरिक र बाह्य पर्यटकलाई चिनाउने उद्देश्यले महोत्सव आयोजना गर्न लागिएको हो’ रोङ उद्योग बाणिज्य संघका उपाध्यक्ष डायमण्ड तिम्सिनाले भन्नु भयो ।महोत्सवमा स्थानीय पाथीभरा मन्दिको दर्शन सहित , स्थानीय उत्पादनका स्टल राखीने छ ।
कार्यक्रममा सांगितिक तथा सांस्कृतिक प्रस्तुतिका साथै विभिन्न जातजातिका मौलिक नृत्य, झाँकी प्रदर्शन हुने रोङ उद्योग बाणिज्य संघका अध्यक्ष नगेन्द्र राईले बताउनु भयो । उहाले थानीय तथा मौलिक खाद्य परिकारसहित स्थानीय हस्तकलाका स्टल,कृषि उपजका स्टल,होटल खेलकुद तथा मनोरञ्जनात्मक खेल र रोटेपिङ लगायत अन्य आकर्षक स्टल रहने बताउनु भयो ।
रोङ गाउँपालिका उपाध्यक्ष बिस्णुमाया भुजेलले,महोत्सवका अवसरमा स्थानीय स्तरमा उत्पादन भएका कृषि उत्पादन रोङ गुन्द्रुक ,रोङ सिस्नो ,मह तथा अर्गानिक चिया ,कफि आदिको बिक्रिवितरण हुने र यसले आर्थिक चलायमान हुँने बताउनु भयो । एक लाख पर्यटक भित्रिने अपेक्षा राखिएको महोत्सव आयोजना गर्न २२ लाख खर्च हुने अनुमान आयोजकले गरेको छ । महोत्सवको आयोजना रोङ उद्योग बाणिज्य संघले गर्न लागेको हो ।
