फिक्कल: झापाको बिर्तामोडमा सञ्चालित आरआर पोलिक्लिनिकले मानसिक स्वास्थ्य शिविर आयोजना गर्ने भएको छ ।आज भद्रपुररोडस्थित आरआर पोलिक्लिनिकको कार्यालयमा भएको पत्रकार सम्मेलन शिविरका बारेमा जानकारी गराइएको हो ।
आरआर पोलिक्लिनिकका सञ्चालक महेन्द्रबहादुर राईका अनुसार झापासहित इलाम, पाँचथर र ताप्लेजुङका मानसिक बिरामीलाई लक्षित गरी स्वास्थ्य शिविर आयोजना गरिएको हो ।शिविरमा वरिष्ठ मानसिक तथा नशा रोग विशेषज्ञ डक्टर बबिता शर्माले बिरामीको हेरचाह तथा परामर्श गर्ने छिन् ।
भारतको एम्स अस्पतालमा चार वर्ष सेवा गरेर झापा फर्किएकी डक्टर शर्माले चैत १ गतेदेखि ७ गतेसम्म सञ्चालन हुने शिविरमा बिरामीको उपचार गर्ने सञ्चालक राईले बताए ।शिविरमा दैनिक २० जना मात्र बिरामीलाई परामर्श दिइने आरआर पोलिक्लिनिकले जनाएको छ । शिविरमा बिरामीको निःशुल्क जाँच गरिनेछ ।
