फिक्कल: इलामको सूर्योदय नगरपालिकाको शिक्षा युवा तथा खेलकुद शाखाको आयोजना र इन्सर्योरको सहयोगमा वैदेशिक रोजगारीबाट फर्किएका युवाका लागि उद्यमशिलता बिकास तालिम आज सम्पन्न भएको छ । बिदेशबाट फर्किएका युवालाई उद्यमशिल बनाउने उद्देश्यले नगरका २४ जना युवालाई पाँच दिने तालिम दिइएको हो ।
शिक्षा युवा तथा खेलकुद शाखा प्रमुख योगनिधी भट्टराईको अध्यक्षता तथा नगर प्रमुख रण बहादुर राइको प्रमुख आतिथ्यतामा सम्पन्न तालिम समापनमा सहभागीलाई प्रमाणपत्र बितरण गरीएको थियो । नगर प्रमुख राईले सकारात्मक शन्देसलाई असन्तुलित हुने गरि नकारात्मक शन्देसमा प्रचार नगर्न सबैले पहल गर्नु पर्ने बताउनु भयो । उहाले दुग्धजन्य उत्पादनमा आएको समस्या समाधानका लागि सकारात्मक बन्न सबैलाई आग्रह गर्नु भयो ।
पालिकाको पहलमा प्रदेश र संघले खोरेत मुक्त बनाउन पहल गरिरहेको र खोरेत मुक्त घोषणाको प्रक्रिया सम्पन्न भए संगै दुग्धजन्य उत्पादन बिदेश निर्यातको बाटो खुल्ने बताउनु भयो । सबैले सकारात्मक खबदारी सहित धैर्यता गर्नु पर्नेमा उहाले जोड दिनु भयो ।
कार्यक्रममा हेल्भेटास नेपाल अन्र्तगतको इन्सयोर परियोजनाका टेक्निकल अफिसर राम अवतार शाह, प्रशिक्षक मुकुन्द ज्ञवाली , प्रशिक्षार्थी कृष्ण तामाङ र इन्द्र लामाले आफनो धारण राख्नु भएको थियो । कार्यक्रमा शाखा प्रमुख भट्टराईले इन्सयोरले आगामी दिनमा समेत लेभल टु का तालिम संचालन गरीने जानकारी दिनु भयो ।
